राजनीतिक स्थायित्व नभएको देशमा लगानी सम्मेलनको खास अर्थ हुँदैनः कोइराला
नेपालबहस संवाददाता
बैशाख १७, २०८१ सोमबार १७:४१:११
१७ वैशाख, झापा । नेपाली कांग्रेसका वरिष्ठ नेता डा शेखर कोइरालाले देशमा सबैभन्दा पहिले राजनीतिक स्थायित्व कायम गर्न आवश्यक भएको बताएका छन् । उनले राजनीतिक स्थायित्व नभएसम्म देशभित्र गरिने कुनै पनि राम्रा कामको नतिजा राम्रो आउन नसक्ने बताएका छन् । अस्थिर राजनीतिका कारण अहिले गरिएको लगानी सम्मेलनबाट पनि अपेक्षा गरिए अनुसारको लगानी आउन नसक्ने उनको भनाइ छ ।
झापाको गौरादहमा नेपाली काँग्रेस गौरादह नगर कार्यसमितिको नवनिर्मित वीपी स्मृति भवन उद्घाटन कार्यक्रमलाई सम्बोधन गर्दै कोइरालाले सरकार चलाउन भन्दा पनि निर्वाचन प्रणाली परिवर्तन गरेर राजनीतिक स्थायित्वका लागि कांग्रेस र एमाले एकै ठाउँमा उभिनु पर्ने बताए । राजनीतिक स्थायित्व बिना नेपालमा कुनै पनि देश लगानी गर्न इच्छुक नरहेको बताउँदै कोइरालाले यो लगानी सम्मेलनबाट परिणाम ननिस्कने बताए ।
कुनै पनि देशले लगानी गर्नु पूर्व त्यो देशमा राजनीतिक स्थायित्व छ कि छैन, ऐन कानुन कस्तो छ र सुशासनको अवस्था कस्तो छ भन्ने कुरा हेर्छ, कोइरालाले भने ती सबै कुरा नभएको देशमा लगानी नआउने बताए । उनले अहिलेको सबैभन्दा महत्वपूर्ण कुरा भनेको कांग्रेस र एमाले मिलेर देशलाई एउटा निकास दिनुपर्ने बताए । मेरो सरकार, तेरो सरकार र सत्ता गठबन्धन भनेर कुनै पनि दल बस्ने अवस्था नभएको कोइरालाले बताए ।
कोही प्रधानमन्त्री भएर पनि अहिले कुनै परिवर्तन नआउने भन्दै अस्थिरताको मूल जड भत्काउन कांग्रेस र एमाले मिल्नैपर्ने तर्क उनको छ । अहिलेको निर्वाचन प्रणाली नै राजनीतिक स्थायित्वको बाधक रहेको भन्दै कोइरालाले यो निर्वाचन प्रणाली रहँदासम्म राजनीतिक स्थायित्व नहुने बताए । राजनीतिक स्थायित्व बिना आर्थिक बिकास नहुने पनि उनले बताए ।
यतिबेला आफू कुनै पनि हालतमा निर्वाचन प्रणाली परिवर्तन गरि छाड्ने अभियानमा लागेको समेत बताए । उनले संकटको यो समयमा देशलाई प्राथमिकतामा राखेर काम गर्नुपर्ने आवश्यकता रहेको समेत बताए । देश नरहे कांग्रेस र एमाले मात्र भएर वा अरु कुनै दल भएर केही नहुने भएकाले राजनीतिक स्थायित्वका लागि केही गर्नै पर्ने अवस्था आइसकेको उनले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपओली र प्रचण्डपछि सभामुखले थाले सचेतकसँग छलफल, संसद ढिला सुरु हुने
जेठ ३, २०८१ बिहिबार
नेकपा एसको महाधिवेशनमा साझा दस्तावेज पेस हुने
जेठ ३, २०८१ बिहिबार
दैनिक सूर्य नमस्कार गर्दा यी १० समस्याबाट छुटकारा मिल्छ
नेपालबहस संवाददाता
जेठ १, २०८१ मंगलबार
बारामा चोरी सिकारी समूह सक्रिय, वन कार्यालय छेउमै हरिणको सिकार
नेपालबहस संवाददाता
बैशाख ३१, २०८१ सोमबार
गिरीबन्धु टि स्टेटको जग्गा किनबेचमा पुनरावलोकन गर्न नपाइने, नैतिक संकटमा ओली
जेठ २, २०८१ बुधबार
भान्सामा राखिएका यी चिजले घरमा गरिबी ल्याउछ आजै हटाउनुहोस्
जेठ २, २०८१ बुधबार
पेट्रोलियम पदार्थको मूल्य घट्यो
जेठ २, २०८१ बुधबार
भक्तपुर अस्पतालमा पाठेघर खस्ने रोगको निःशुल्क उपचार
जेठ ३, २०८१ बिहिबार
ओली र प्रचण्डपछि सभामुखले थाले सचेतकसँग छलफल, संसद ढिला सुरु हुने
जेठ ३, २०८१ बिहिबार
भारतीय फुटबलर सुनिल क्षेत्रीले लिए अन्तर्राष्ट्रिय खेलबाट सन्यास
जेठ ३, २०८१ बिहिबार
सिद्धार्थ बैंकको प्रमुख आम्दानी नै घट्यो, वितरण योग्य मुनाफा २७ करोड माइनसमा
जेठ ३, २०८१ बिहिबार
१६ सयले बढेर तोलाको १ लाख ४० हजार पुग्यो सुन
जेठ ३, २०८१ बिहिबार