कोटेश्वरकाे सडकजाम हटाउने विद्यार्थीको जुक्ति !
नेपालबहस संवाददाता
माघ २६, २०७६ आइतबार १८:३०:१०
२६ माघ, काठमाडौं । अचम्मै भयो । कोटेश्वरमा सवारी साधनको जाम नै भएन । प्रायः तीनकुने, भक्तपुर र बालकुमारीबाट आउने सवारी साधनले आजकल कोटेश्वरमा एकदमै जाम हुने गर्छ । तर, शुक्रवार कोटेश्वरमा दुईवटा फ्लाइओभर ब्रिज देखियो । एउटामा तीनकुनेबाट बालकुमारी जाने सवारी साधन चलिरहेका थिए भने अर्कोमा बालकुमारीबाट भक्तपुर जाने सवारी साधन । सवारीहरुको एक आपसमा भेट नै नभएपछि जाम नभएको हो ।
यो दृश्य वास्तविक नभएर काठमाडौं डिल्लीबजारस्थित पद्मकन्या विद्याश्रम माविको शैक्षिक प्रदर्शनीमा विद्यार्थीले तयार पारेको कोटेश्वर जक्शनको हो । स्थानीय स्रोत र सामग्रीको प्रयोग गरेर कक्षा ९ मा सिभिल इञ्जिनियर पढ्ने विद्यार्थीहरुले यस्तो नमूना जक्सन तयार पारेका हुन् । नमुना कोटेश्वर जक्सन निर्माणमा सहभागी कक्षा ९ की छात्रा समिक्षा ओझाले आफुहरुले बनाएको जस्तै जक्शन बनाउने हो भने कोटेश्वरको जाम सजिलै अन्त्य गर्न सकिने बताइन् ।
यस्तै कक्षा ११ मा सिभिल इञ्जिनियरिङ अध्ययनरत मनिसा घिमिरेको टोलीले काठमाडौंको जाम हटाउन सडकको नयाँ मोडेल तयार पारेको देखियो । ठूला संरचना निर्माण भइसकेकाले काठमाडौंको सडकलाई अब बढाउन सम्भव नभएकाले अब सडक माथि अर्को रुफ कन्ट्रक्सन गरेर फ्लाइओभर ब्रिज बनाउनुपर्ने मोडेलमा देखाइएको थियो । अब काठमाडौंको जाम अन्त्य गर्ने यही मात्रै उपाय हो भनेर आफुहरुले त्यसको मोडल बनाएको घिमिरेले बताइन् ।
कक्षा १० मा अध्ययनरत श्रद्धा दासको टोलीले पनि सडक व्यवस्थापनका लागि भनेर फरक शैलीको फ्लाइओभर ब्रिजको मोडेल तयार पारेको थियो । धेरै जाम हुँदा विद्यार्थीलाई समयमा स्कूल र कलेज पुग्न गाह्रो छ, कर्मचारीलाई कार्यालय पुग्न समस्या छ त्यसैले जाम हटाउनका लागि हामीले यो मोडेल तयार पारेका हौं– दासले भनिन् । यसै टोलीकी मनिसा हुमागाईंले यो मोडेल लागु गर्ने हो भने एम्बुलेन्स र दमकल जाममा फस्न नपर्ने दाबी गरिन् ।
शैक्षिक प्रदर्शनीमा सिभिल इञ्जिनियरिङ, विज्ञान, गणित र स्वास्थ्यसँग सम्बन्धित विभिन्न ७० स्टल प्रदर्शन गरिएको थियो ।कक्षा ६ देखि १२ कक्षासम्मका ४ सय विद्यार्थीहरुले स्थानीय स्रोत सामग्रीकै प्रयोग गरेर सामुहिक रुपमा निर्माण गरिएका सामग्री प्रदर्शन गरिएको थियो । विद्यार्थीहरुले गणित सिकाईका विभिन्न विधिहरु, स्वास्थ्य रहने विधिहरु र विज्ञानका सामग्रीहरुको बेजोड प्रस्तुति प्रदर्शनी गरेका थिए ।
विद्यार्थीहरुले शिक्षाको साथसाथै शैक्षिक सामग्री निर्माण र प्रदर्शन गरेर आफुलाई सक्षम बनाउन सकुन भन्ने उद्देश्यले विद्यालयले वर्षेपिच्छे यस्तो शैक्षिक प्रदर्शनीको आयोजना गर्ने गरेको विद्यालयकी प्रधानाध्यापक रिता तिवारी हुमागाईंले जानकारी दिइन् ।
प्रदर्शनीको मुख्य उद्देश्य विद्यार्थीको क्षमता र प्रतिभा प्रदर्शन गर्नु रहेको भन्दै प्रअ तिवारीले प्रदर्शनीले सामुदायिकका विद्यार्थी पनि निजी विद्यालय भन्दा कम छैनन् भन्ने प्रमाणित गरेको बताइन् । विद्यार्थीले पढेर सँगै गरेर पनि सिक्ने भएकाले विद्यालयले क्रियाकलापमा आधारित शिक्षण सिकाईलाई महत्व दिँदै आएको भन्दै प्रअ तिवारीले विद्यार्थीले गर्दै सिकेका सामग्री प्रदर्शन गरिएको जानकारी दिइन् । उनका अनुसार शुक्रवार ७० विद्यालयका झण्डै ४ हजार शिक्षक विद्यार्थीले प्रदर्शनीको अवलोकन गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमहोत्तरीका आगलागी पीडितलाई कामपाको १० लाख सहयोग
बैशाख १७, २०८१ सोमबार
‘एक घर एक धारा’ अभियानले खुसी छन् बुडोलबासी
बैशाख १६, २०८१ आइतबार
बागमती प्रदेशले वैशाख २४ देखि कामकाजी भाषा ऐन २०८० कार्यान्वयन गर्ने
बैशाख १४, २०८१ शुक्रबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
पूर्वराजा ज्ञानेन्द्र सडकमा आउने मुहूर्त
बद्रीनरसिंह के.सी.
बैशाख १६, २०८१ आइतबार
एसपीको ड्राइभर कि घुमुवा ?
बैशाख १७, २०८१ सोमबार
इलाम-२ मा सुहाङलाई १००१ मतको अग्रता (अपडेट)
बैशाख १६, २०८१ आइतबार
वीरगञ्जमा प्रहरीले गोली चलाएर भारतीय अपराधीलाई लियो नियन्त्रणमा
बैशाख १७, २०८१ सोमबार
पहिलाकै स्वरुपमा ल्याइँदै पुरैना ताल
बैशाख १७, २०८१ सोमबार
इलाममा एमालेका सुहाङलाई ६४३९ मतको अग्रता
बैशाख १७, २०८१ सोमबार
आगलागी र डढेलोबाट नागरिकको जीउधनको सुरक्षा गर : मानव अधिकार आयोग
बैशाख १७, २०८१ सोमबार
२१ प्रतिशत उद्योग प्रतिष्ठानले न्यूनतम पारिश्रमिक दिँदैनन् : रिपोर्ट
बैशाख १७, २०८१ सोमबार
बसमा आगलागी, जलेर पूर्णरुपमा नष्ट
बैशाख १७, २०८१ सोमबार
इलामा–२ मा ४१ हजार बढी मत गनियो, एमालेका सुहाङ ५ हजार ६७१ मतले अघि
बैशाख १७, २०८१ सोमबार