डलरमा देशको धर्म बेचे झैं भारुमा देशको सीमाना बेचिएको त हैन ?

♦ यज्ञप्रसाद भट्टराई

देशमा दिनानुदिन नयाँ नयाँ राष्ट्रवादी नेताहरुको आगमन तथा पुनरागमन भैरहेको छ । देश विकासमा बर्षौ बित्दा समेत माखो मार्न नसक्ने, व्यक्ति पुजा गरेका भरमा राजनीतिक पद हत्याउने र सोझा सिधा जनताका ओतलाग्ने घर कटेरा भत्काएर महिसासुर बन्दै हिड्ने तथा गरिब जनताका बसोबास स्थललाई रातारात खाली गराउदैं सरकारी जग्गा हडप्न मिलिभगतमा काम गर्ने, काम गर्ने त के भन्ने र काम गर्न लगाईएका खेतालाहरुबाट देशमा ब्रम्हलुट मच्चाईरहँदा पनि आम नेपाली नागरिकहरुले मौनता दर्शाए पनि देशकै अस्तित्वका बिषयमा बिषबमन गरिरहँदा भने कता कता नेपाली जनताका रौं रौं तातेका छन्, आम नेपालीले मन अमिलो बनाएका छन् र तिनैका बकमफुसे अभिव्यक्तिका बिरोधमा आफ्ना विचारहरु विभिन्न सामाजिक सञ्जालहरुमा प्रस्फुटन गरिरहेका छन् ।

सरकारकै एक प्रभावशाली मन्त्री, प्रधानमन्त्रीकै अत्यन्त विश्वासपात्रका रुपमा मन्त्रिमण्डलमा प्रतिनिधित्व गरिरहेकी भूमि ब्यवस्था, सहकारी तथा गरिवी निवारण मन्त्रीले ईतिहास देखिनै लिम्पियाधुरा नेपालको नक्सामा नसमेटिएको कुरा सार्वजनिक रुपमा भन्दै हिडनु चाँहि सिंगो सरकारकै लज्जाबोधको पराकाष्ट हो ।

सिंगो देश सीमा विवादका बिषयमा धपधपी बलिरहेका बेला सरकारले उक्त बिषयमा राष्ट्रहितका पक्षमा दर्बिलो गोडा टेक्नु पर्ने अवस्थामा सरकारकै मन्त्रिमण्डलका सदस्यहरुको बिरोधासपूर्ण अभिव्यक्तिहरु सार्वजनिक हुनुले नेपाल भारतको अघोषित उपनिवेशतर्फ अगाडि बढीरहेको त छैन ? अहिले देशका नेतृत्वकर्ताहरु भारतको छद्यभेषी सिक्किमीकरणको चंगुलमा फसिरहेका त छैनन् ? भन्ने कुरामा शंका गर्ने प्रशस्तै ठाउँहरु फेला पर्न थालेका छन् । देशको सीमाना छिमेकीले मिचेको भन्ने स्पष्ट आधारहरुसहित आम नागरिकहरु तथा नागरिक अगुवाहरुसहित विभिन्न क्षेत्रका अभियन्ताहरुले चरणबद्ध बिरोधका कार्यक्रमहरु सञ्चालन गर्दै आफ्नाे देशको सीमा मिचिएको बिषयलाई अन्तर्राष्ट्रिय अदालतको ढोका ढक्ढक्याउनु पर्छसम्म भनिरहेका बेला, सरकारकै एक प्रभावशाली मन्त्री, प्रधानमन्त्रीकै अत्यन्त विश्वासपात्रका रुपमा मन्त्रिमण्डलमा प्रतिनिधित्व गरिरहेकी भूमि ब्यवस्था, सहकारी तथा गरिवी निवारण मन्त्रीले ईतिहास देखिनै लिम्पियाधुरा नेपालको नक्सामा नसमेटिएको कुरा सार्वजनिक रुपमा भन्दै हिडनु चाँहि सिंगो सरकारकै लज्जाबोधको पराकाष्ट हो ।

बिक्रम सम्बत २०१८ सालको नेपालको राष्ट्रिय जनगणनामा समेत भैरव रिसालले लिम्पियाधुरा, लिपुलेक र कालापानीका नेपाली बासिन्दाहरुको पारिवारिक तथ्यांक बिवरण संकलन गरी नेपालको जनगणनाको विवरणमा समेटेको कुरा अहिले पनि उनी बताईरहेका छन् । त्यस बेलाको जनगणनाको विवरणको कागजातहरु अहिले पनि सरकारसँग अध्यावधिक हुनुपर्ने होईन र ? त्यसको अलावा सो क्षेत्रमा बसोबास गर्ने नेपालीहरुले नेपालको सरकारी कार्यालयमा राजस्व समेत बुझाई रहेको काजगातहरु पनि रहेको छ भन्ने कुराहरु यसको आधिकारिक सप्रमाण हैनन् र ? यसरी देशको राष्ट्रियता र नागरिकको राष्ट्रप्रेमको भावनालाई लात मार्दै पश्चिमा देशसँग डलरमा देशको धर्म बेचे झैं भारुमा देशको सीमाना बेचिएको त हैन ? अहिलेको वर्तमान देशका नेतृत्वकर्ताहरुले अब नागरिकलाई स्पष्ट पार्न आवश्यक भैसकेको छ ।

नेपालको भूमि मिचिएको बिषयमा अमेरिकामा रहेका नेपालीहरुले समेत बिरोध प्रदर्शन गरिरहेको अवस्थामा हाम्रा देशका मन्त्रीहरुका हलुका टिप्पणीहरुले भने आम नेपाली नागरिकको मन नराम्ररी कुडिएको छ । देशभित्रै नेपालीको शिर निहुरिएको छ । देशभित्रै राष्ट्रियताको पक्षमा बिरोधमा निस्किएका नागरिकहरुलाई कुटपिट, प्रतिकार तथा धरपकडसमेत गरिरहेको सरकारको चौतर्फी रुपमा व्यापक बिरोध समेत हुन थालेको छ । हिजो राष्ट्रियताको पर्याय भएर चुनाव जितेको वर्तमान राष्ट्रवादी सरकारले आफ्नाे पुरानो अडान जोगाई राख्न समेत यस बिषयमा आफ्नाे आधिकारिक धारणा जनता सामु ल्याउन जरुरी छ । यसले सरकारको राष्ट्रप्रतिको समर्पण र राष्ट्रियताका बिषयमा ऐक्यबद्धता जाहेर गरेको ठहर्छ ।

लिम्पियाधुरामा पुगेर फोटो शेषन गरेर अझ भनौ स्थानीय नागरिकसँग नेपालको सीमानाका बारेमा कुराकानी समेत गरेर फर्किएको भनिएका देशका अहिले होनहार नागरिक अभियन्ता कहलिएका ज्ञानेन्द्र शाहीले चाँहि कुन देशको लिम्पियाधुरा र लिपुलेकको दर्शन गरेर फर्किए ? नेपालकै लिम्पियाधुराको अवलोकन गरेको भए त त्यहाँ बन्दै गरेको सडकको अस्थिपञ्जरसम्म त देखिन्थ्यो होला ? त्यहि अस्थिपञ्जर राजधानीमा ल्याएर बेचिन्थ्यो होला ?

चीन, नेपाल र भारत जोडने त्रिदेशिय सडक निर्माणमा भारतले मात्र हो ? या भारत र चीन दुबैको मिलिभगतमा नेपालको सीमाना मिचिएको हो ? देशको आधिकारिक सीमाना र सीमानामा एकलौटी रुपमा निर्माण गरिएका भनिएका भौतिक पूर्वाधारहरुको विषयमा अब नेपाल सरकारको आधिकारिक र दर्बिलो धारणा आम नेपाली सामु ल्याउन जरुरी छ । साथै दुबै छिमेकी राष्ट्रहरुलाई समेत आफ्नाे देशको सीमानाका बारेमा त्रिपक्षीय वार्तामार्फत दीर्घकालिन र भरपर्दो समाधान निकाल्न जरुरी छ । नत्र खोक्रो राष्ट्रवादको नारालाई अब नेपाली जनताले पत्याउनेवाला छैनन् ।

देशको नक्सा कसले बनाउँछ ? देशको नक्सा किन बनाईन्छ ? देशको नक्सा निर्माण हुँदा देशलाई के फाईदा हुन्छ ?नक्सामा आफ्नाे देशको सीमाना र क्षेत्रफल कसरी प्रमाणित गरिन्छ ? अन्तरदेशीय नक्सा निर्माण गर्दा के कस्ता आधारहरु अपनाईन्छन् ? नेपालको कुल क्षेत्रफल कति हो ? अहिलेको नेपालको नक्साले देशको कति प्रतिशत क्षेत्रफल ओगटेको छ ? हराएका सीमा स्तम्भहरु कहाँ कति छन् ? दक्षिणतर्फको असल छिमेकीले देशको कति प्रतिशत क्षेत्रफल अधिग्रहण गरेको छ ? भनेरसम्म स्पष्ट हुन नसक्ने सरकारको लाचारीपनको फाईदा उठाउँदै भारतले आफ्नाे स्वार्थ अनुकुल बनाउँदै आफ्नाे स्वार्थपूर्तिका लागि सीमानाका स्तम्भहरु रातारात सार्ने, नेपाली बस्तीमा दुःख दिने कुराहरु यस अघि पनि नभएका भने हैनन् ।

राष्ट्रभक्तिको झुठो नारा दिएर सत्तामा पुगेका शासकहरुबाटै जनताको भाषामा देशको सीमाना बेचिनु, देशको सीमाना मिचिनु, विदेशीको बल मिचाईको ह्याकुलाले नेपाली जनता थिचिनु, पक्कै पनि आम नेपाली नागरिकलाई सह्य हुन सक्दैन । यसलाई आम नागरिकले सामान्य रुपमा लिनु पनि हुदैन र अब लिने पनि छैनन् । देशको सीमानाका लागि हिजो बलभद्र कुँवर र भीमसेन थापाहरु लडे आज तिनकै सन्तान दरसन्तान फेरी पनि देशको सीमानाको लागि लडनु पर्ने अवस्था आएको छ ।

केही समय अघि मात्रै लिम्पियाधुराको बिषयमा आम नागरिकले सरकारको स्पष्ट धारणा माग गर्दै आन्दोलन गर्दै गर्दा सरकारले देखाएको खोक्रो राष्ट्रवाद अहिले आएर छताछुल्ल रुपमा आम नेपालीका आँगनमा बिस्कुन लागेको छ । लिम्पियाधुरामा पुगेर फोटो शेषन गरेर अझ भनौ स्थानीय नागरिकसँग नेपालको सीमानाका बारेमा कुराकानी समेत गरेर फर्किएको भनिएका देशका अहिले होनहार नागरिक अभियन्ता कहलिएका ज्ञानेन्द्र शाहीले चाँहि कुन देशको लिम्पियाधुरा र लिपुलेकको दर्शन गरेर फर्किए ? नेपालकै लिम्पियाधुराको अवलोकन गरेको भए त त्यहाँ बन्दै गरेको सडकको अस्थिपञ्जरसम्म त देखिन्थ्यो होला ? त्यहि अस्थिपञ्जर राजधानीमा ल्याएर बेचिन्थ्यो होला ?

सरकारी ढिकुटीको सत्यानास गरेर भ्रमण बर्ष मनाउन गएका युवा संघका कार्यकर्ताहरुले चाँहि कताको लिम्पियाधुरामा वनभोज मनाएर फर्किए ?? यिनले पनि भारतले बर्षौदेखि निर्माण गरिरहेको सडक देख्नै भ्याएनन् । सिंगो सरकारका रक्षामन्त्री दलबलसहित अवलोकन भ्रमणमा गएर फर्किएपछि पनि सरकारी तर्फबाट यस बिषयमा भारत सरकारले त यहाँ एकलौटी रुपमा बाटो निर्माण गरिरहेको रहेछ भनेर कुनैपनि प्रकारको सूचना प्रवाह नहुनुमा सरकारको आधिकारिक धारणा आम नागरिकहरुले पर्खिरहेका छन् । यसमा दोषी को हो त ? भन्ने कुराहरु पनि सडकमा उठेका छन् । वास्तवमा यस्ता कुराहरु आम नागरिकहरुबाट शंकाको तवरबाट बाहिर आउनु ज्यादै दुःख लाग्दो कुरो हो ।

भारतीय प्रधानमन्त्री बर्षमा तीन पटक नेपाल किन आउँछन् भनेको त, नेपाल आउने बित्तिकै काठमाडौं नै नछिरी मानसरोवरको दर्शन गर्न किन उक्लिन्छन् भनेको त, चिनियाँ राष्ट्रपति पहिला भारत गएर भारतीय प्रधानमन्त्रीसँग कुराकानी मिलाएर नेपालका प्रधानमन्त्रीलाई रिझाउन मात्रै कसरी नेपाल आएका रहेछन भन्ने कुराको पर्दा बिस्तारै खुल्दै जानेछन् ।यसले नेपालका दुबै छिमेकी देशहरु नेपालप्रति कति सदाशयता र छिमेकीप्रति कत्तिको भावनात्मक सम्बन्ध प्रदान गर्छन भन्ने कुरा झल्किदैन र ?