क्वारेण्टीनका लागि होटलको प्रयोग
नेपालबहस संवाददाता
जेठ ६, २०७७ मंगलबार २०:१३:३५
गणेश केसी, अधिवक्ता
भारतबाट नेपाल छिरेका एक युवकको बाँकेको नरनापुरस्थित क्वारेण्टीनमा छटपटाएर निधन भयो । अनौठो त के भने लगभग एक सातादेखि क्वारेण्टीनमा बसेका ती युवक कोरोना संक्रमित थिए भन्ने जानकारी मृत्युपछि मात्र प्राप्त भयो । उनीसँगै राखिएका ५९ जनामा ती युवाले संक्रमण सारेछन् । क्वारेण्टीनमा बस्ने लगभग दुईसय जनाको पीसीआर गर्दा उक्त तथ्य फेला प¥यो । नेपालको हकमा ती युवा “सुपर स्प्रेडर” बने । यसको कारण के हो त भन्दा उचित र व्यवस्थित रुपमा क्वारेण्टिन भएन । एउटा विद्यालयमा सयौं जना कोचमकोच राखियो ।
क्वारेण्टिनमा बसेकाहरु निष्फिक्री घर आउजाउ गरिरहेका छन् । रात परेपछि घरै गएर सुत्छन् । बिहान लुसुक्क क्वारेण्टिन फर्कन्छन् । शौच गर्न त उनीहरु सधैं खेत पुग्छन् । यसबाट कोरोना संक्रमणको फैलावट कति होला, सहजै अनुमान लगाउन सकिन्छ । यो अव्यवस्थाको कारक भनेको सरकारी लापरबाही र गैरजिम्मेवारी नै हो । क्वारेण्टिनमा राख्नुको कारण भनेको संभावित कोरोना संक्रमित भएकाले नै हो । त्यसको तत्कालै जाँच पड्ताल गरी पोजेटिभ देखिए, आइसोलेसनमा राख्ने हो । तर सरकारले त्यसो नगरिदिंदा सयौं मानिस संक्रमणको शिकार भए ।
दैलेखमा पनि हिजो यस्तै घटना भयो । भारतबाट आएका एक जनामा कोरोना संक्रमण देखियो । उनी क्वारेण्टिनमा छन् । क्वारेण्टिनमा उनीसँगै ३९ जना बसेका छन् । झण्डै एक सातापछि उनीहरुको पीसीआर गरियो । तीमध्ये एक जनामा कोरोना संक्रमण पुष्टी भयो । तर को चाहीँ संक्रमित हो, कसैलाई अत्तोपत्तो छैन । एकजना संक्रमित भएको भनियो, तर को हो ? जानकारी छैन । फेरि पनि ३९ जना एकै थलोमा बसेका छन् कोच्चिएर । अब बाँकी ३८ जनामा पनि यो संक्रमण सर्ने जोखिम कायमै छ ।
अर्कातिर, विदेशमा श्रम गर्न गएका दशाैं लाख नेपाली कोरोना कहरले गर्दा स्वदेश फर्कन गुण्टा कसेर बसेका छन् । नेपाल सरकारले आउने अनुमति दिने वित्तिकै ह्वाहर््वार्ती फर्कन तम्तयार छन् । ढिलोचाँडो ती नेपाली स्वदेश फर्किन्छन् नै । त्यतिखेरसम्म कोरोना भाइरसविरुद्ध खोप आइसक्ने अवस्था देखिँदैन । विश्व स्वास्थ्य संगठनले पनि त्यही भन्छ । त्यसैले बाहिरबाट आएकाहरुलाई कम्तिमा १४ दिन क्वारेण्टिनमा नराखी समुदाय वा घरपरिवारमा पठाउने कुरा भएन । यस्तो अवस्थामा कसरी व्यवस्थित रुपमा क्वारेण्टिन गर्ने ? सरकारसँग के कस्तो योजना छ ? वा जानकारहरु यसको विकल्पमा के सुझाउँछन् ? खासै चर्चा भएको छैन । तर अब यसबारे नसोच्ने हो भने देशले ठूलो क्षति व्यहोर्नुपर्ने हुनसक्छ । नेपालमा भित्रिएको संक्रमण “इम्पोर्टेड” हो । अहिले भने यो “कम्युनिटी ट्रान्समिसन” भइसकेको छ । कोरोनासँगको हाम्रो लडाईं तत्कालै सकिने स्थिति छैन । लामै युद्ध गर्नुपर्ने बुझिसकियो । त्यसको विकल्प के हुन सक्छ त ? यसमा अब घोत्लिनै पर्छ ।
केपी ओली सरकारले “लकडाउन” र “बोर्डर सिल” गरेर मात्रै कोरोनालाई हराउँछु भन्ने ठान्यो । जुन कोरा कल्पना र असंभव देखिएको छ । त्यसैले नेपालीलाई आफ्नो देशमा आउन दिने तर व्यवस्थित ढंगले क्वारेण्टिन गर्ने उपाय अबलम्बन गर्दा मात्रै समाधान दिन सकिन्छ । विश्व स्वास्थ्य संगठनले दिएको पछिल्लो जानकारी अनुसार, आउने जुन महिनामा कोरोना कहर अझै झाँग्गिने छ, खासगरी एसियामा । भारतमा त यसले ताण्डब गर्नेवाला छ । त्यसको प्रत्यक्ष प्रभाव हामीकहाँ पर्नेछ नै । त्यसैले व्यवस्थित क्वारेण्टिनका लागि सबै होटलहरुको उपयोग सरकारले गर्दा राम्रो ।
मेरो विचारमा अहिलेको मुख्य आवश्यकता भनेकै व्यवस्थित क्वारेण्टिन हो । गाउँघरका विद्यालय, मस्जिद र पाटी पौवा होइन । यो भाइरससँग लड्न “हाई इम्युनिटी” चाहिने रहेछ । त्यसका लागि राम्रो र सुविधासम्पन्न बसोबास र खानपान नै आवश्यक हो । विकल्पमा हामीले त्यो मापदण्ड पूरा गर्नै पर्छ । समुदायमा नसार्ने हो भने संभावित संक्रमितलाई व्यवस्थित ढंगले राख्नै पर्छ । यो प्रयोजनका लागि अहिले खाली रहेका होटल, मोटल, रिसोर्ट र गेष्ट हाउसको प्रयोग गर्न सकिन्छ । पर्यटक आवागमन ठप्प भएपछि सुनसान बनेका होटलहरुको उपयोग गर्ने बेला अहिले नै हो ।
सरकारले यसका लागि आवश्यक पहल गर्नु जरुरी छ । त्यसैपनि होटल व्यावसायलाई सरकारले अब राहत दिनै पर्छ । तर अहिले सुविधासम्पन यी होटलहरुको प्रयोग गरियो भने त्यसबाट दोहाेरो फाइदा पुग्न सक्छ । पहिलो व्यवसाय धराशायी हुनबाट जोगोउने, दोस्रो संक्रमितका लागि व्यवस्थित र सुविधासम्पन्न बसोबास र खानपानको प्रबन्ध गरिदिने । क्वारेण्टिन गर्न यो उपाय सबैभन्दा उपयोगी र प्रभावकारी हुने म ठान्दछु ।
विदेशबाट आउने नेपालीको हक हो आफ्नो मुलुक प्रवेश गर्ने । केपी ओली सरकारले “लकडाउन” र “बोर्डर सिल” गरेर मात्रै कोरोनालाई हराउँछु भन्ने ठान्यो । जुन कोराकल्पना र असंभव देखिएको छ । त्यसैले नेपालीलाई आफ्नो देशमा आउन दिने तर व्यवस्थित ढंगले क्वारेण्टिन गर्ने उपाय अबलम्बन गर्दा मात्रै समाधान दिन सकिन्छ । विश्व स्वास्थ्य संगठनले दिएको पछिल्लो जानकारी अनुसार, आउने जुन महिनामा कोरोना कहर अझै झाँग्गिने छ, खासगरी एसियामा । भारतमा त यसले ताण्डब गर्नेवाला छ । त्यसको प्रत्यक्ष प्रभाव हामीकहाँ पर्नेछ नै । त्यसैले व्यवस्थित क्वारेण्टिनका लागि सबै होटलहरुको उपयोग सरकारले गर्दा राम्रो ।
अर्काे पक्ष पनि यहाँ उल्लेख गर्नु सान्दर्भिक होला । कोरोनाविरुद्ध फ्रण्टलाइनमा काम गर्ने स्वास्थकर्मी, सुरक्षाकर्मी र सञ्चारकर्मीप्रति शहरिया वर्गको अलग सोच छ । घरभाडामा लिएर बसेका फ्रण्टलाइनरलाई अहिले युद्ध मैदानमा उत्रन ज्यादै कठिन छ । किनभने घरबेटीले उनीहरुलाई हेर्ने दृष्टिकोण एकदमै नकारात्मक छ । मानौं “कोरोना क्यारिएर” भनेकै फ्रण्टलाइनर हुन् । त्यसैले फ्रण्टलाइनर ठूलो तनावमा छन्, त्यो भोग्नेलाई नै थाहा होला । यहीं घरै भएकाहरुका लागिसमेत तनाव छ । किनभने परिवारका सदस्यमा उनीहरुले कोरोना सार्न सक्ने सम्भावना रहनेछ ।
नेपाल राष्ट्र बैंकको तथ्याङ्कमा भने एक खर्ब ६० अर्ब रुपियाँ ऋण लगानी रहेको देखिन्छ । असंगठित रुपमा धेरै लगानी रहेको हुन सक्ने पनि उसले जनाएको छ । एक तथ्याङ्क अनुसार, नेपालमा हाल १५ वटा पाँच तारे होटल सञ्चालनमा रहेका छन् । पोखराको फुलबारी भने अहिले बन्द छ भने ग्राण्ड होटल अर्ध सञ्चालनमा रहेको छ । यी होटलहरुका करिब ३५०० वटा सुविधा सम्पन्न कोठा रहेका छन् । यस्तै १३ वटा चार तारे होटलमा २००० कोठा रहेका छन् । यस्तै अन्य रिसोर्ट र गेष्ट हाउसमा दसौं हजार व्यवस्थित र सुविधासम्पन्न कोठाहरु रहेका छन् । यी होटलको उपयोग गर्ने बेला सरकारले अहिले नै हो । होटल सञ्चालकहरु अहिले खर्च धान्ने मात्र भएपनि हुने भन्दै छन् । सरकारले उनीहरुको लागत खर्च मात्रै दिएपनि सहयोग गर्ने उनीहरुको माग छ ।
धेरै स्वास्थकर्मी, सुरक्षाकर्मी र सञ्चारकर्मीमा संक्रमण देखापरिसकेको छ । उनीहरुले बेलुका घर फर्कंदा कोरोना बोकेको पनि हुन सक्छ । त्यसैले सरकारले ती फ्रण्टलाइनरलाई होटलमै बस्ने प्रबन्ध गर्दा उपयुक्त हुने देखिन्छ । ठूला–ठूला स्टार होटल त्यसै बसेका छन् । त्यहाँ फ्रण्टलाइनरलाई राख्न सकियो भने व्यवसायीलाई पनि राहत समाज पनि लाभान्वित हुने । यो दिशामा सरोकारवाला सबैले गम्भिरतापूर्वक सोच्ने बेला भइसकेको छ ।
होटल व्यावसाय थला परेको छ यतिबेला । यो क्षेत्रमा संगठित र असंगठित रुपमा भएको लगानी करिब १० खर्ब रुपियाँ रहेको छ । त्यसमध्ये झण्डै ५ खर्ब रुपैयाँ त बैंक तथा वित्तिय संस्थाको ऋण लगानी नै रहेको पाइन्छ । यद्यपि नेपाल राष्ट्र बैंकको तथ्याङ्कमा भने एक खर्ब ६० अर्ब रुपैयाँ ऋण लगानी रहेको देखिन्छ । असंगठित रुपमा धेरै लगानी रहेको हुन सक्ने पनि उसले जनाएको छ । एक तथ्याङ्क अनुसार, नेपालमा हाल १५ वटा पाँच तारे होटल सञ्चालनमा रहेका छन् । पोखराको फुलबारी भने अहिले बन्द छ भने ग्राण्ड होटल अर्ध सञ्चालनमा रहेको छ । यी होटलहरुका करिब ३५०० वटा सुविधा सम्पन्न कोठा रहेका छन् । यस्तै १३ वटा चार तारे होटलमा २००० कोठा रहेका छन् ।
यस्तै अन्य रिसोर्ट र गेष्ट हाउसमा दसौं हजार व्यवस्थित र सुविधासम्पन्न कोठाहरु रहेका छन् । यी होटलको उपयोग गर्ने बेला सरकारले अहिले नै हो । होटल सञ्चालकहरु अहिले खर्च धान्ने मात्र भएपनि हुने भन्दै छन् । सरकारले उनीहरुको लागत खर्च मात्रै दिएपनि सहयोग गर्ने उनीहरुको माग छ । होटल एसोसिएसन नेपाल( हान ) का वरिष्ठ उपाध्यक्ष बिनायक शाह भन्नुहुन्छ– सरकारले एउटा नीति बनाएर होटल सञ्चालन गर्दा हाम्रो साथ र सहयोग हुनेछ ।
त्यसैले सरकारले अहिलेको अव्यवस्था र भद्रगोल चिर्नका लागि भएपनि यी होटललाई क्वारेण्टिन गर्ने नीति बनाउनुपर्छ । यस्तो नीतिले तीनवटै पक्षलाई प्रत्यक्ष लाभ पुग्नेछ । सरकार, व्यावसायी र आम नागरिक । पहिलो, सरकारमाथि पर्ने ठूलो आर्थिक भार यसले कम गर्नेछ । क्वारिण्टन बनाउने नाममा करोडौंको घोप्लाबाजी भइरहेको छ । त्यो रकम सर्लक्क जोगिन्छ । दोस्रो लाभ भनेको होटल व्यवसायीलाई हुने भयो ।
लकडाउनका बेला थोरै भएपनि राहत पाउने अवस्था उनीहरुका लागि चानचुने होइन । तेस्रो चाहिं नागरिक जो क्वारेण्टिनमा बस्ने छन्, उनीहरुले सुविधासम्पन्न वास र खाना पाउनेछन् । यसले सरकारप्रति आम मानिसको भरोशा जगाउने काम गर्नेछ । सबैभन्दा महत्वपूर्ण भनेको चाहिं यसले नेपाल सरकारप्रतिको अन्तराष्ट्रिय दृष्टिकोण नै बदलिदिन्छ । सरकारले यसमा कत्तिको ध्यान देला, त्यो थाहा पाउन केही प्रतिक्षा गरौं ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबालमन्दिर जग्गा हिनामिना आरोपीलाई पक्राउ नगर्न दबाब, अधिकांश भारततर्फ फरार
जेठ ४, २०८१ शुक्रबार
सहकारी ठग्नेलाई कारवाही गर्न ओली किन अनिच्छुक ?
जेठ ३, २०८१ बिहिबार
सिद्धार्थ बैंकको प्रमुख आम्दानी नै घट्यो, वितरण योग्य मुनाफा २७ करोड माइनसमा
जेठ ३, २०८१ बिहिबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
जेठ ४, २०८१ शुक्रबार
सुनको मूल्यमा गिरावट, तोलाको कति ?
जेठ ४, २०८१ शुक्रबार
ताप्लेजुङमा टपरी गाँस्ने प्रतियोगिता
जेठ ४, २०८१ शुक्रबार
काठमाडौँमा ‘न्यूयोर्क राइटर्स वर्कसप’ र ‘हिमालयन लिटरेचर फेस्टिभल’ हुँदै
जेठ ४, २०८१ शुक्रबार
गोरखामा पौडी खेल्ने क्रममा डुबेर दुईजनाको मुत्यु
जेठ ४, २०८१ शुक्रबार
बागमती प्रदेशसभाका चारवटा समिति सभापतिमा मनोनयन दर्ता
जेठ ४, २०८१ शुक्रबार
‘विद्युतीय सवारीसाधनको प्रयोग बढाउन आवश्यक’
जेठ ४, २०८१ शुक्रबार
लागुऔषधको कुलतबाट विद्यार्थी जोगाउन अभियान
जेठ ४, २०८१ शुक्रबार