बम्जनको आश्रममा फेरि सीआईबीको छापा

४ असार, काठमाडाैं । प्रहरीले तपश्वी भनिने रामबहादुर बम्जनको आश्रममा बिहीबार छापा हानेको छ । बलात्कार, हत्या र मानिस बेपत्ता पारको आरोप लागेका तपश्वीको भेष गर्ने रामबहादुर बमजनको आश्रममा फेरि छापा मारेको हाे।

बिहीबार केन्द्रीय अनुसन्धान ब्यूरो ‘सीआईबी’को टोलीले सिन्धुलीस्थित आश्रममा बमजन त्यहीँ छन् भन्ने सूचनाका आधारमा सीआईबीको टोली आश्रम पुगेको हो । यसअघि ०७६ पुसमा पनि प्रहरीले बम्जन आश्रममा छापा मारेको थियो । तर, सुरुमै सूचना चुहाइँदा बम्जन उम्कन सफल भएका थिए ।

बमजनको आश्रम वरीपरि घना जंगल छ । बमजनलाई विभिन्न उजुरीमा पक्राउ गर्ने आदेश छ। पटकपटक छापा मार्दा पनि उनी भेटिएका छैनन् । अनुयायीको हत्या गरेको, तीन आनी, एक अनुयायीलाई बेपत्ता पारेको र कम्तिमा एक आनीलाई बलात्कार गरेको आरोप छ।

सर्लाहीकी रिता बोट, नुवाकोटकी कर्मा तामाङ, मकवानपुरकी फुलमाया रुम्बा, सुरेश आले मगर र सञ्चमान बाइला बेपत्ता रहेको भन्दै उजुरी परेको छ । र, उनीविरुद्ध अदालतले पक्राउ पुर्जी पनि जारी गरिसकेको छ ।