मोटरसाइकल चोरी आरोपमा १२ जना पक्राउ
नेपालबहस संवाददाता
असार १५, २०७७ सोमबार २०:५३:६
५ असार, भीमदत्तनगर । कञ्चनपुर प्रहरीले मोटरसाइकल चोरी गरी नक्कली कागजातसमेत बनाएर मोटरसाइकल किनबेचमा संलग्न भएको आरोपमा १२ जनालाई आज पक्राउ गरी सार्वजनिक गरेको छ ।
जिल्ला प्रहरी कार्यालय कञ्चनपुरमा आयोजित पत्रकार सम्मेलनमा प्रहरी प्रमुख प्रहरी उपरीक्षक मुकुन्द मरासिनीले यातायात व्यवस्था कार्यालय धनगढीका कम्प्युटर सहायक अपरेटर जीतेन्द्र राना र कार्यालय सहायक गणेश भट्टराईसमेत संलग्न रहेको बताए ।“मोटरसाइकल चोरी गरेर नक्कली ब्लूबुकलगायतका कागजात बनाएर किनबेच गर्ने यो एउटै गिरोह हो”, प्रहरी उपरीक्षक मरासिनीले भने, “पक्राउ परेका यातायातका कर्मचारीले नक्कली ब्लूबुक बनाउने काममा सक्रिय रहेको पाइयो ।”
सुदूरपश्चिम प्रदेश प्रहरी र जिल्ला प्रहरी कार्यालयले सञ्चालन गरेको अप्रेसनबाट उनीहरुसहित आठ थान मोटरसाइकल बरामद गरिएको छ । पक्राउपर्नेमा यातायातका अपरेटर राना, सहायक भट्टराई, कञ्चनपुर लालझाडी गाउँपालिका–३ का ३५ वर्षीया बहादुर राना, बेदकोट नगरपालिका–६ का ३५ का राजकुमार राना, २५ वर्षीया हरेन्द्र राना, ३० वर्षीय सुवेश राना, लालझाडी गाउँपालिकाका रामनिवास राना, शुक्लाफाँटा नगरपालिकाका श्याम राना, बेदकाट नगरपालिकाका राम राना, लाल राना, बेदकोट नगरपालिका १८ वर्षीय प्रदीप राना, २७ वर्षीय लक्ष्मी राना र लालझाडी गाउँपालिकाका रामदयाल राना रहेका छन् ।
“पक्राउ परेकाबाट यातायात व्यवस्था कार्यालय धनगढीका ब्लूबुक र सोही अनुसार सेतीकै नम्बर प्लेट हालेका मोटरसाइकल बरामद गरिएका छन”, प्रहरी उपरीक्षक मरासिनीले भने, “उनीहरुलाई सरकारी कागजात किर्ते र चोरी मुद्दामा कारवाही प्रक्रिया अघि बढाइनेछ ।”
प्रहरी अनुसन्धानमा अभियुक्त कर्मचारीले मोटरसाइलको ब्लूबुक बनाएवापत प्रति मोटरसाइकल रु ८ हजारका दरले रकम लिने गरेका थिए । प्रहरीले चोरीका थप पाँच मोटरासाइकलको पहिचान भइसकेको जानकारी गराउँदै नियन्त्रणमा लिएर थप कारवाही अघि बढाउने जनाएको छ । यसअघि पनि भीमदत्तनगरमा प्रहरीले यातायात व्यवस्था कार्यालयसित मिलेमतो गरी कार, जीपको कागजात बनाउने कर्मचारीसहित सवारीसाधन नियन्त्रणमा लिएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआजदेखि संसद भवन वरिपरीका पेटीबाट हिँड्न नपाइने
जेठ ४, २०८१ शुक्रबार
ट्राफिकको यान्त्रिक चेकिङमा ५३ जना चालकमाथि कारबाही
जेठ २, २०८१ बुधबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
कलेजो क्यान्सर भएको कसरी थाहा पाउने ? यस्ता छन् लक्ष्णहरु !
जेठ ५, २०८१ शनिबार
बुटवलमा एम्बुलेन्सको ठक्करबाट महिलाको मृत्यु, दुईजना घाइते
जेठ ६, २०८१ आइतबार
विन्डवार्ड्ससँग अन्तिम खेलमा नेपाल पराजित
जेठ ६, २०८१ आइतबार
कञ्चनपुरको वनहरा नदीमा पक्की पुल निर्माण हुँदै
जेठ ६, २०८१ आइतबार
दोदा बगरमा सागसब्जी फलाएर आकर्षक आम्दानी गर्दै पाँच सय किसान
जेठ ६, २०८१ आइतबार
आइपिएल : रोयल च्यालेन्जर्स बैंगलुरु प्लेअफमा, चेन्नई बाहिरियो
जेठ ६, २०८१ आइतबार
सहकारी ठगी प्रकरणको छानबिन समितिको 'टिओआर' बनाउन कार्यदलको बैठक बस्दै
जेठ ६, २०८१ आइतबार