प्रचण्ड सचिवालयका सशस्त्र प्रहरीलाई कोरोना पुष्टि

२८ साउन, काठमाडौं । नेकपा अध्यक्ष पुष्पकमल दाहाल ‘प्रचण्ड’को सचिवालयका एक जनालाई कोरोना पुष्टि भएको छ। संक्रमणको पुष्टि भएका सशस्त्र प्रहरी हुन्।

उनी चालकको रूपमा कार्यरत छन्। अहिले उनलाई सशस्त्र प्रहरीकै आइसोलेसनमा राखिएको छ । ती चालक प्रचण्डका सवारी चालकसँगै हिँड्ने र बस्ने गर्थे। अहिले प्रचण्डका चालक पनि आइसोलेसनमा छन्।

यसअघि प्रचण्डको सुरक्षामा खटिएका ६ जनालाई कोरोना संक्रमण पुष्टि भएको थियो। प्रचण्डसहित उनका सचिवालयको टिमको भने कोरोना भाइरसको रिपोर्ट नेगेटिभ देखिएको थियो। स्रोतका अनुसार प्रचण्डले भेटघाटका सबै कार्यक्रम स्थगित गरेका छन्।