प्रजातन्त्र जोगाउन नयाँ पुस्ता
नेपालबहस संवाददाता
साउन २९, २०७७ शुक्रबार २:२:२९
सम्पादकीय
२९ साउन, काठमाडौं । नेपाली कांग्रेस देशको सबैभन्दा जेठो राजनीतिक शक्ति हो । मुलुकमा भएका तीनवटा ठूला क्रान्तिको नेतृत्व यही शक्तिले गरेको छ । राणा, पञ्चायत र शाही शासनविरुद्ध नेपाली कांग्रेसले नै निर्णायक आन्दोलन ग¥यो । रमाइलो त के छ भने तीनवटै आन्दोलनको नेतृत्व स्थापनाकालकै नेताहरुले गरे । २००७ सालको जनक्रान्तिको लिडर बीपी कोइराला, सुवर्णशमशेर राणा, कृष्णप्रसाद भट्टराई, गणेशमान सिंहलगायतले गरेका थिए ।
२०१७ सालमा राजा महेन्द्रले प्रजातन्त्रको घाँटी निमोठेर ल्याएको एकतन्त्रीय पञ्चायती शासन व्यवस्था ढाल्न बीपीकै नेतृत्वमा लामो संघर्ष भयो । यसैक्रममा २०४६ मा भएको जनआन्दोलनको नेतृत्व पनि कांग्रेसकै लौह पुरुष गणेशमानले गरेका थिए । उनी पनि पहिलो पुस्ताकै नेता थिए । त्यसपछि २०५८ मा राजा ज्ञानेन्द्रले प्रजातन्त्रको हुर्मत लिए । त्यसविरुद्ध बिद्रोही माओवादीसहितको सात संसदवादी दलले गरेको दोस्रो जनआन्दोलनको नेतृत्व नेपाली कांग्रेसकै सभापति गिरिजाप्रसाद कोइरालाले गरेका थिए ।
८४ वर्षको उमेरमा सडकमा प्रहरीको लाठी खाएर लोकतन्त्र पुर्नवहाली गराउने आन्दोलनको नेतृत्व गर्ने कोइराला पनि पहिलो पुस्ताकै नेता थिए । तेस्रोपटक भएको जनक्रान्तिका नायक कोइरालाले त्यतिखेर भन्ने गर्थे – अब प्रजातन्त्रका लागि नयाँ पुस्ताले अर्काे आन्दोलन गर्न नपरोस् । हुनपनि प्रजातन्त्र प्राप्तिका लागि भएका सबै आन्दोलनको अगुवाई नेपाली कांग्रेसकै पहिलो पुस्ताका नेताले गरेका हुन् । त्यसैको बलमा अहिलेको पुस्ताले समेत लोकतन्त्रको स्वाद चाखिरहेको छ ।
दुर्भाग्य ! अहिले त्यही पार्टीको अगुवाई गर्ने नेता लोकतन्त्रको खिल्ली उडाउने प्रमुख पात्र बनेका छन् । नेपाली कांग्रेस चौधौं महाधिवेशनको संघारमा छ । महाधिवेशन प्रक्रिया शुरु भईसकेको छ । जसको अर्थ हो, अब आचारसंहितासमेत लागू भएको छ । तर पार्टी सभापति शेरबहादुर देउवा भने महाधिवेशन नै प्रभावित हुनेगरी भटाभट विभाग र पदाधिकारी मनोनयन गर्दैछन्, त्यो पनि एकपक्षीय रुपमा ।
देउवाको यो कदमको पार्टीमा चर्काे आलोचना भएको छ । विगतका अभ्यास र प्रजातन्त्रको मूल्य मान्यताको सम्मान गर्न युवा नेताहरुले सभापतिलाई आग्रहपूर्ण चेतावनी दिएका छन् । तर देउवा भने आफ्नै शूरमा निस्फिक्री बहुलठ्ठी पारामा हिंडिरहेका छन् । पार्टीका वरिष्ठ नेता रामचन्द्र पौडेललगायत धेरै शीर्ष र वरिष्ठ नेताले समेत देउवालाई त्यसो नगर्न आग्रह गरे । तर देउवा भने मूर्खतापूर्ण अडानमा कायमै देखिए ।
लोकलाज समेत नढाकिने गरी देउवा निर्वस्त्र भएरै पार्टी कब्जा गर्ने अभियानमा योजनावद्ध ढंगले लागेको अवस्था छ । यसले प्रजातन्त्र र नेपाली कांग्रेसको परम्परागत नाता साइनो नै पुर्नपरिभाषित गर्नुपर्ने अवस्था सिर्जना भएको छ । देउवाको कार्यकालमा प्रजातन्त्र दरबारमा बुझाउने काम भएको आरोप अझै ताजै छ । लोकतन्त्र र कांग्रेस पर्यायवाची हुन् भनी विगतमा नेताहरुले स्थापना गरेको नजिर देउवाले टुकुचामा बगाईदिएका छन् । त्यसैले आगामी महाधिवेशनमा फेरि आन्तरिक लोकतन्त्र रक्षार्थ आम कांग्रेस एकजुट हुनुपर्ने बाध्यात्मक अवस्था सिर्जना भएको छ ।
लोकतन्त्रको परिभाषा नै बदल्ने गरी हुन थालेका निर्लज्ज तौरतरिकालाई अब कांग्रेस नेता कार्यकर्ताले स्वीकार्ने की चुनौती दिने भन्ने मूल कुरा हो । देउवालाई चुनौती दिने हैसियत युवा पुस्तामा देखिन्छ । साम, दाम, दण्ड, भेद नीति अपनाएर भएपनि दोस्रो कार्यकालका लागि सभापति चुनिन देउवा अभिशप्त छन् । त्यसैका लागि उनले यस्ता गैरप्रजातान्त्रिक प्रणाली अपनाएका हुन् ।
देउवा दोस्रो कार्यकालका लागि यदि चुनिए भने नेपाली कांग्रेस भाई नेकपामा रुपान्तरण हुने धेरैको ठम्याई छ । त्यसैले युवा पुस्ताबीचको एकता र सहकार्य अझै मजबूत हुनु आवश्यक छ । अहिले चुनौती दिने युवा पुस्ताका नेताहरुको सक्रियता आगामी दिनमा अझै सशक्त र प्रभावशाली बन्नु आवश्यक छ । त्यसले मात्रै पुराना पुस्ताका नेताहरुले लडेर ल्याएको प्रजातन्त्र बलियो हुनसक्छ । नत्र फेरि अर्काे पुस्तासमेत प्रजातन्त्रका लागि बलिदानी दिन तयार हुनुपर्ने अवस्था छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसर्वोच्चको आदेशपछि बहुमतमा कन्फ्युज हुन थाले राजनीतिक दल, ५० हो कि ५१ ?
बैशाख १९, २०८१ बुधबार
लगानी सम्मेलन कि विदेशीले नपत्याएको भेला ?
बैशाख १८, २०८१ मंगलबार
नक्कली लाइसेन्स प्रकरण: अरोपी छुटाउन प्रधानमन्त्री कार्यालयकै कर्मचारीको सक्रियता
बैशाख १८, २०८१ मंगलबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
नगरकोटमा पुल डिजाइन र प्रोजेक्ट म्यानेजमेन्ट सम्बन्धी तालिम सम्पन्न
नेपालबहस संवाददाता
बैशाख १७, २०८१ सोमबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
बैशाख १८, २०८१ मंगलबार
नबिल बैंक वीरगञ्ज शाखाबाट रकम चोरी गरेको आरोपमा चार जना पक्राउ
बैशाख १८, २०८१ मंगलबार
नेपालविरुद्ध वेस्ट इन्डिज ए का चार्ल्सको शतक
बैशाख १९, २०८१ बुधबार
अफगानिस्तानको मस्जिदमा आक्रमण, सुरक्षाका लागि भक्तजनको अपिल
बैशाख १९, २०८१ बुधबार
नेपाललाई दोस्रो सफलता, सागरले लिए विकेट
बैशाख १९, २०८१ बुधबार
जापानमा ९० लाख घर खाली
बैशाख १९, २०८१ बुधबार
रात्री मजदुरको कथा !
बैशाख १९, २०८१ बुधबार
अन्तर्राष्ट्रिय मजदुर दिवसको अवसरमा निकालिएको र्याली [ फोटोफिचर ]
बैशाख १९, २०८१ बुधबार