दुई लघुवित्तको शेयर कारोबार रोक्का

३२ साउन, काठमाडौं । स्वदेशी लघुवित्त वित्तिय संस्था लिमिटेड र एनआईसी एशिया लघुवित्त वित्तिय संस्था लिमिटेड आपसमा गाभिने सम्बन्धि समझदारी पत्रमा हस्ताक्षर भएको छ । दुवै लघुवित्त मर्जरमा जाने भएपछि नेप्सेमा शेयर कारोबार रोक्का भएको छ । बैंक तथा वित्तिय संस्था एक आपसमा गाभ्ने/गाभिने तथा प्राप्ति सम्बन्धि विनियमावली २०७३ को विनियम ६(१) बमोजिम दुवै लघुवित्तको शेयर कारोबार दोस्रो बजारमा आजबाट रोक्का गरिएको हो ।