भो ! अब पुग्यो निषेधाज्ञा
नेपालबहस संवाददाता
भदौ २३, २०७७ मंगलबार २२:५७:५१
सम्पादकीय
२३ भदौ, काठमाडौं । तीनसातादेखि काठमाडौं उपत्यकामा जारी निषेधाज्ञा लम्बेला वा मोडालिटी परिवर्तन गरिएला ?धेरैको जिज्ञाशा छ । भोलि रातिबाट सकिने यो चरणको निषेधाज्ञालाई अब यही रुपमा लैजान कठिन भएको देखिएको छ । निषेधाज्ञाको अवज्ञा हुन थालिसकेको छ । सामान्य मजदूरी गरेर खानेहरुका लागि निषेधाज्ञा यसअघिको लकडाउन भन्दा चर्काे देखिएको छ । त्यसैले सडकमा ट्याक्सीलगायत मानिसको चहलपहल बाक्लिएको छ ।
नागरिकलाई घरभित्र थुनेर राख्दा कोरोना भाइरससँगको युद्ध जितिने भ्रममा परेको केपी ओली नेतृत्वको सरकारले नागरिकका लागि केही पनि राहत दिएको छैन । एक छाक मात्रै खाएर घरमै थुनिएका नागरिकले अब प्रश्न गर्न थालेका छन्– खै त संक्रमण घटेको ? राजधानीलगायत देशैभरि संक्रमण फैलने क्रम यथावत छ । मृतकको संख्यापनि तीब्र गतिमा बढिरहेको छ । यसलाई कसरी नियन्त्रण गर्ने भन्ने सरकारसँग कुनै कार्ययोजना छैन ।
प्रधानमन्त्री ओली बेला बेला भाषण गर्छन् – अब कुनै नागरिकले भोकै मर्नुपर्दैन । उनी बालुवाटारमा मानिस भेला गराएर यस्तो उद्घोष गरिरहँदा हजारौं मानिस खानै नपाएर फेरि भारत फर्कन विवश छन् । अहिले झण्डै एकलाख मानिस भारतमा दैनिक कोरोनाबाट संक्रमित भइरहेका छन् । तर पश्चिम नेपालका गरिब जनता चाडबाडको मुखैमा पनि पेट पाल्नैका लागि मसिना लालाबाला च्यापेरै भारत जान बाध्य छन् ।
कोरोना कहरले आत्तिएर नेपाल फिरेकाहरु फेरि ठूलो जोखिम मोलेर भारत फर्कनु भनेको ओली सरकारको असफलता हो । युवा जनशक्तिलाई नेपालमै रोजगारी वा उत्पादनमुखी क्षेत्रमा जोड्न सकेको भए देशले राम्रो प्रगति गर्न सक्थ्यो । तर ओली सरकारका संयन्त्रले त्यो दिशामा कुनै ध्यान दिएन । बरु फेरि फर्केर लाहुरै जाउन भन्ने नीतिलाई उसले प्रश्रय दिँदा यो हविगत भएको हो ।
त्यसैले नागरिकलाई थुनेर मात्रै राख्दा उल्टो भोकले मार्ने अवस्था सिर्जना भएको छ । राजधानीमा त यसको प्रभाव अझै तीब्र छ । लकडाउनका बेला घर गएका लाखौं मजदूर राजधानी भित्रिएका छन् । उनीहरुलाई निषेधाज्ञाको नाममा फेरि थुन्ने प्रवृत्तिलाई बढावा दिने हो भने विद्रोहको नयाँ रुप देखिन सक्छ । खानै नपाउने अवस्था आएपछि मानिस बाध्य भएर सडकमा ओर्लन्छ । सर्वसाधारण सडकमै ओर्लने अवस्था आयो भने संक्रमणको भयावह अझै कडा हुन सक्छ । त्यसैले अब भने निषेधाज्ञाको स्वरुप बदल्नै पर्छ ।
आम नागरिकलाई विस्तारै कोरोनासँगै जोगिएर बाँच्ने शिक्षा आवश्यक छ । कोरोनाविरुद्ध खोप तयार नभएसम्म कोरोनासँग सचेतनाका साथ जोगिनुको विकल्प छैन । त्यसैले भारत जस्तो मुलुकले लकडाउन वा निषेधाज्ञा लगाउनेतिर धेरै ध्यान दिएनन् । अमेरिका युरोपमा त संक्रमण अझै भयावह छ । तर मानिस जोगिएर दैनिकी चलाइरहेका छन् ।
जतिसुकै गरेपनि संक्रमण कुनै न कुनै रुपमा फैलने रहेछ भन्ने प्रमाणित भइसकेको छ । त्यसैले अब तीनवटै जिल्लाका प्रमुख जिल्ला अधिकारीहरुले निषेधाज्ञालाई खुकुलो बनाउने र सर्वसाधारणको दैनिकी सहज बनाउनेतिर सोच्नु जरुरी छ । नत्र सडकमा ठूलै विद्रोहको ज्वारभाटा उत्पन्न हुन सक्छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराजनीतिमा पूर्वराष्ट्रपति भण्डारीको सम्भावना कति ?
बैशाख १९, २०८१ बुधबार
सर्वोच्चको आदेशपछि बहुमतमा कन्फ्युज हुन थाले राजनीतिक दल, ५० हो कि ५१ ?
बैशाख १९, २०८१ बुधबार
लगानी सम्मेलन कि विदेशीले नपत्याएको भेला ?
बैशाख १८, २०८१ मंगलबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
नगरकोटमा पुल डिजाइन र प्रोजेक्ट म्यानेजमेन्ट सम्बन्धी तालिम सम्पन्न
नेपालबहस संवाददाता
बैशाख १७, २०८१ सोमबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
बैशाख १८, २०८१ मंगलबार
नबिल बैंक वीरगञ्ज शाखाबाट रकम चोरी गरेको आरोपमा चार जना पक्राउ
बैशाख १८, २०८१ मंगलबार
मस्क टेस्लाका ६ हजारलाई कर्मचारीलाई बर्खास्त गर्ने तयारीमा
बैशाख १९, २०८१ बुधबार
नेपालले पाँचौं विकेट गुमायो
बैशाख १९, २०८१ बुधबार
डढेलोले वन जल्यो, नरकुमारीको मन जल्यो !
बैशाख १९, २०८१ बुधबार
नेपालले तेस्रो विकेट गुमायो, आरिफ आउट
बैशाख १९, २०८१ बुधबार
दिवसको प्रवाह नगरी कच्ची घरमा बसेर महल ठ्डयाउने ‘रुवि’
बैशाख १९, २०८१ बुधबार
नेपालले पहिलो विकेट गुमायो, विनोद भण्डारी आउट
बैशाख १९, २०८१ बुधबार