ओलीको नकचरोपन
नेपालबहस संवाददाता
कात्तिक २०, २०७७ बिहिबार १९:९:५२
सम्पादकीय
२० कार्तिक, काठमाडौं । संसारमा सबैको ओखती छ तर नकचरोको चाहिं हुँदैन – बूढापाका भन्ने गर्थे । हुनपनि अहिले केपी ओलीको चालामाला त्यस्तै देखिन्छ । प्रधानमन्त्रीको कुर्सीमा विराजमान ओली भन्छन्–अहिले मैले राजीनामा दिन मिल्दैन, दिएँ भने देश बर्बादीतिर जानेछ ।
ओली पार्टीभित्रको रडाकोले यतिबेला पिल्सिएका छन् । उनीमाथि निरंकुशता लाद्न खोजेको आरोप छ । शीर्ष नेताहरु आगो भएका छन् । चरम अल्पमतमा उनी धकेलिएको अवस्था छ । त्यसैले होला उनको सोच अलि खल्बलिएको छ । कहिले भन्छन्– इतिहासमै यो सरकार सबैभन्दा लोकप्रिय छ । मैले जति कसैले काम गरेन ।
ओलीको अभिव्यक्ति किन आउँछ त यस्तो ? बुझ्न कठिन छ । जानकार भन्छन् – दिमागले सायद राम्रो काम गर्न छाडेछ । हुनपनि दुईतिहाई समर्थन प्राप्त भएपनि ओली सरकार सबैभन्दा अस्थिर छ । कतिबेला कस्ले लडाउने हो भन्ने त्रासमा उनी छटपटाइरहेका छन् । त्यसैले गर्दा उनी के बोल्छन् आफैंलाई थाहा छैन । नत्र यस्तो नकचरो कुरा कस्ले पो बोल्न सक्थ्यो होला त ?
पार्टी भित्रको अन्तरद्धन्द्ध चर्किएको बेला ओलीले एउटा सार्वजनिक कार्यक्रममा भने– अहिले मैले राजीनामा दिन मिल्छ त ? उनको प्रश्न राजनीतिक मञ्चमा नभई चिकित्सक र नर्सहरुसँग गरिएको थियो । डाक्टर नर्सले ओलीको प्रश्नको जवाफ दिने कुरै थिएन । बरु आफैंले जवाफ पनि दिए– मिल्दैन, मैले राजीनामा दिएँ भने देश नै खाल्डोमा पर्छ ।
नकचरो ओलीलाई के थाहा ! देश उनले खाल्डोमा हालेको कत्तिको समय बितिसक्यो । जनताका नाममा राजनीति गर्ने तर सत्तामा पुगेपछि तिनै जनतामाथि निरंकुशता लाद्ने ? ओली सरकार सत्तामा आएपछि देशले ठूलो मोल चुकाउनु परेको छ । जनताका लागि ओलीले माखो मारेनन् ।उनको सरकार केवल बिचौलियको सेवा गर्नै तल्लिन रह्यो । भ्रष्टाचार र अनियमितताले चरम रुप लिएको छ । जताततै अभाव र छटपटी छ ।
महामारीका बेलासमेत मन्त्रीहरु भ्रष्टाचार र कमिशनमा चुर्लुम्म डुुबेका छन् । कोरोनाको महामारीका बेला जनताले स्वास्थसुविधा पाएका छैनन् । अस्पतालमा बेड नपाएर मानिस छटपटाएर मृत्युवरण गर्न बाध्य छन् । सरकार रमिते छ । संविधान र सर्वाेच्च अदालतले महामारीको बेला स्वास्थ्य सेवा निशुल्क दिन सरकारलाई निर्देशन दिएको छ । तर ओली सरकार अटेरी छ । अब सबै खर्च जनताले नै बेहोर्नुपर्ने निर्णय सरकारले गरेको छ । यो भन्दा निर्लज्जता अरु के होला ? तर ओली भने अझै गर्जंदैछन्– मैले राजीनामा गरें भने देश डुब्छ ।
अहिले उनको कसले राजीनामा मागेको छ, जनतालाई थाहा छैन् । पार्टी भित्रको अन्तर्विरोधलाई लक्ष्य गर्दै उनले यस्तो अभिव्यक्ति दिएका हुन् भने प्रष्टसँग भन्नुुप¥यो कसले राजीनामा मागेको हो । यदि मागेकै हो भने उसले गल्ती गरेको छैन । यस्तो निकम्मा सरकारको राजीनामा नमाग्ने चाहिं बरु गैरजिम्मेवार हो ।
अब ओलीको शासन जति लम्बिन्छ, देशले त्यति नै ठूलो क्षति ब्यहोर्नुपर्छ । त्यसैले समयमै निकाश दिएर देश र जनतालाई थप पीडा नदिनुनै ओलीको लागि बुुद्धिमत्ता हुुनेछ । साथै, ओलीलाई पदबाट गलहत्याउन वाध्य बनाउने पार्टी नेता नै अहिले आवश्यक पनि छ । तर नेकपाभित्र त्यो ल्याकत भएका नेता भएजस्तो लाग्दैन । त्यसैले गर्दा नकचराहरुले खुलेआम यस्तो भाषण गर्न पाएका हुन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनयाँ वर्षमा सबैको कामना, हाम्रा नेतामा सद्बुद्धि पलाओस् !
बैशाख १, २०८१ शनिबार
शान्ति, सम्बृद्धि, सुशासन र सहमतिको वर्ष बनोस् २०८० !
बैशाख १, २०८० शुक्रबार
इतिहास र बाह्य आलोकमा राष्ट्रिय मेलमिलाप तथा एकता दिवस
पुष १८, २०७८ आइतबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
बैशाख १८, २०८१ मंगलबार
नबिल बैंक वीरगञ्ज शाखाबाट रकम चोरी गरेको आरोपमा चार जना पक्राउ
बैशाख १८, २०८१ मंगलबार
कोशी, मधेस र लुम्बिनी प्रदेशमा हावाहुरीको सम्भावना, सतर्क रहन अनुरोध
बैशाख १९, २०८१ बुधबार
तपाईको आजको राशीफल कस्तो छ ?
बैशाख १९, २०८१ बुधबार
समृद्धि हासिल गर्न तीन तहको सरकारबीच सहकार्य आवश्यक : महामन्त्री शर्मा
बैशाख १८, २०८१ मंगलबार
घट्यो डिजेल र मट्टीतेलको मूल्य, हवाई इन्धनको बढ्यो
बैशाख १८, २०८१ मंगलबार
नबिल बैंक वीरगञ्ज शाखाबाट रकम चोरी गरेको आरोपमा चार जना पक्राउ
बैशाख १८, २०८१ मंगलबार