स्याङ्जामा जिप दुर्घटना हुँदा ५ घाइते, एकको मृत्यु : चालक फरार

२३ कार्तिक, स्याङ्जा । स्याङ्जामा जिप दुर्घटना हुँदा ५ जना घाइते भएका छन । जिल्ला प्रहरी कार्यालय स्याङ्जाका अनुसार भिरकोट नगरपालिका -५ मा जिप दुर्घटना हुँदा ५ जना घाइते भएका छन्, भने जिप चालक फरार रहेका छन् ।

स्याङ्जाको भिरकोट नगरपालिका बयरघारी फाँटदेखि पकान ,धान र पराल बोकेर जाँदै गरेको महेन्द्र कम्पनीकाे लु २ च २६९६ नम्बरको जिप आज बिहान करिव सवा ६ बजे सोही नगरपालिका – ५ स्थित हर्खौदीमा जिप अनियंत्रित भई दुर्घटना हुँदा एक जनाको मृत्यु भएको छ । मृतक सोही ठाउँका असीम सेन रहेको प्रहरीले जनाएको छ

जिप कच्ची सडकबाट करिब ३० मिटर तल खस्न जिपमा सवार ५ जना घाइते भएका हुन् । घाइते मध्ये २ जनाको अवस्था गम्भीर रहेको प्रहरीले जनाएको छ । उनिहरुको स्वास्थ्य उपचारको लागि पोखरा स्थित गण्डकी मेडिकल कलेजमा लगिएको छ ।