पूर्वविद्यार्थीले दिन्छन् छात्रवृत्ति

बलेवा, १९ फागुन । अमेरिकामा बसेर काम गरिरहेका डा हेमराज रेग्मीले दुई दशकअघि हरिचौरको न्यू लाइफ आवासीय माविमा पढ्थ्याे । उनी विदेशमा पुगेर पेशामा जोडिएपछि गाउँका बालबालिकालाई छात्रवृत्ति दिने काममा सहयोग गर्न थालेकाे छ ।

पछिल्लो सात वर्षदेखि उनले ६ जना बालबालिकालाई निःशुल्क पढाएको छ । कक्षा १२ सम्म ती बालबालिका पढाउन आवश्यक पर्ने रकम उनले पठाउने गरेको पूर्वविद्यार्थी फमबहादुर खत्रीले बताए । बालबालिकालाई शिक्षण शुल्क, पोशाक, पुस्तक, स्टेशनरीलगायत सबै सहयोग गरेको छ । उनको सहयोगबाट दलित, जनजाति र विपन्न परिवारका बालबालिकाले संस्थागत विद्यालयमा पढ्ने अवसर पाएका छन् । उनले छात्रवृत्ति दिएका सबै बालबालिका गलकोट नगरपालिका–६ को न्यू लाइफ आवासीय माविमै अध्ययन गर्छन् ।

हरिचौरकै जयबहादुर बुढाथोकीले छात्रावाससहितको खर्च व्यहोरेर तीनजना बालबालिका पढाएको छ । रेग्मी र खत्रीले वार्षिक चार लाख र बुढाथोकीले ६ लाखभन्दा बढी रकम छात्रवृत्तिमा खर्चेको बताए । क्यानडामा बस्नुभएका राजन खत्रीले पनि गलकोटकै पाँचजना बालबालिकालाई नियमित पढाएको छ । गलकोट नगरपालिका–५ का खत्रीले पनि सबै बालबालिकालाई कक्षा १२ सम्म निःशुल्क पढाउने लक्ष्य राखेकाे छ । विद्यालयले आर्थिक अवस्था कमजोर भएका परिवारका बालबालिका छनोट गरेर दिएपछि छात्रवृत्ति दिएको प्रअ वीरबहादुर बोहराले बताए ।

“नियमित सहयोग आएकाले बालबालिका र उनीहरुको अभिभावकलाई हामीले कुनै शुल्क माग्नु परेको छैन”, बोहराले भने, “विद्यालयमा पनि स्वास्थ्य सामग्रीहरु सहयोग गरिरहेको छ ।” प्रवासबाटै २० जनाभन्दा बढी बालबालिकालाई छात्रवृत्ति प्राप्त भएको उनले बताए।

उक्त विद्यालयको २०५१ सालदेखि एसएलसी उत्तीर्ण भएका ७०६ मध्ये झण्डै ४०० भन्दा बढी जापान छन् । तीबाहेक धेरैजसो अमेरिका र अष्ट्रेलियामा पुगेका छन् । अन्यले पनि भारत र नेपालका मुख्य शहरमा उत्कृष्ट चिकित्सक, इन्जिनीयर र व्यवसायी बनेर स्थापित भइसकेको तथ्याङ्क छ ।