कविता : लय
नेपालबहस संवाददाता
जेठ २२, २०७८ शनिबार १३:१४:२२
दुई थान गोडाको लय मिलाउँदै
पुग्ने गर्थें विद्यालय-
कलिलो ज्यान भित्र
कहाँ कहाँ हात पुर्याउँथ्यो
गुरु नामको अधर्मीले !
गोडाहरुको चाल नै बिग्रिथ्यो
घर फर्किने बेला !
केही थान सपनाहरुको लय मिलाउँदै
पुग्ने गर्थें कार्यालय !
छाती, नाभी र नितम्बमा
हर प्रहर आँखा लगाउँथ्यो
हाकिम नामको हरामीले !
मुटुको चाल नै रोकिन्थ्यो
पंख फैलाउने बेला !
कैयौं मीठा बातले फुस्लाउँथ्यो
कैयौं सुनौला आसले फकाउँथ्यो
कहिले काँधमा हात राख्थ्यो
र
‘भरोसा दिएको हुँ’ भन्थ्यो !
कहिले कम्मरमा हात पुर्याउँथ्यो
र
आधार दिलाएको दावी गर्थ्यो !
कैयौं घामहरु संग सेकायो
कैयौं झरीहरु संग रूझायो
पट्यार लाग्ने गरी कुरायो
प्रेमको प्रतीक्षालयमा
र
एक दिन कानैमा आएर फुस्फुसायो
प्रेमी नामको पापी पनि-
मलाई तिम्रो योनी सित्तैमा देऊ न !!
चेतनाले न्यायालय पुर्यायो
जहाँ सोधियो-
परेली किन झिम्क्याइस् ?
ओंठहरु किन चलाइस् ?
कम्मर किन लच्काइस् ?
गोडा किन फट्टाइस् ?
स्तन किन उमारिस् ?
योनी किन लुकाइस् ?
लय हराउँदै गए पछि जिन्दगीको
आज यहाँ आएकी छु-
जहाँ कसैले कुनै प्रश्न सोध्दैन
जहाँ कसैले कुनियतले छुँदैन
जहाँ विवसताको फाइदा उठाउँदैन कसैले
जहाँ विस्वासको जालमा पारी काँचै खाँदैन कसैले !
यहाँ अलिकती मूल्य पाएको छ शरीरले
अलिकती इज्जत पाएका छन अंगहरुले
यहाँ अलिकती स्थान पाएको छ आत्मसम्मानले !
हो, यो त्यही ठाउँ हो
तपाईंको भाषाको- वेश्यालय
मेरो भाषाको-
लयहरुको अन्तिम याचनालय !
र
आज युग संग एउटा ललकार गर्नै पर्छ मैले
हजार ‘कोठी’ हरुमा
एउटा ‘लय’ प्रत्यय जोडेर
युगौं देखि हुन्डरी मच्चाइरहेछ
तपाईंको सभ्य समाजमा
एउटा असभ्य लिंङग-प्रलय !!
सक्नुहुन्छ- निर्मूल पार्नूस्
विद्यालय,कार्यालय,प्रेमालय
न्यायालय र प्रार्थनालय बाट
अहंकारी,ढोंगी र पाखन्डी
यो सनातनी लिङग अधिपत्य !
सक्नुहुन्न- टोलटोलमा खोलिदिनूस्
केही लाख वैध वेश्यालय !!
यस्तो दिन नआओस्
सृष्टि र सभ्यतालाई नै कुनैदिन
स्थायी बन्ध्याकरण गर्नु परोस् !!
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसाइग्रेसले नेपालका विभिन्न ठाउँमा आफ्नो प्रस्तुति दिने
चैत २६, २०८० सोमबार
ज्ञानुको ‘संवेदनाको समायोग’ माथि पोखरामा चर्चा
चैत २५, २०८० आइतबार
'जून ओर्लेको रात' बजारमा
चैत १४, २०८० बुधबार
दैनिक सूर्य नमस्कार गर्दा यी १० समस्याबाट छुटकारा मिल्छ
नेपालबहस संवाददाता
जेठ १, २०८१ मंगलबार
क्रिकेटर सन्दीप लामिछानेको मुद्दा हेर्दाहेर्दैमा
नेपालबहस संवाददाता
जेठ १, २०८१ मंगलबार
केपी ओलीले मदन भण्डारीका ‘हत्यारा’ लुकाएकै हुन् ?
जेठ ३, २०८१ बिहिबार
सहकारी ठग्नेलाई कारवाही गर्न ओली किन अनिच्छुक ?
जेठ ३, २०८१ बिहिबार
जङ्गली जनावरको आक्रमणबाट सातजनाको मृत्यु
जेठ ३, २०८१ बिहिबार
‘पुजार सार्की’मा आर्यन : विगतभन्दा 'टफ' भूमिका, लुक्समा आफ्नै पिताको नक्कल
जेठ ४, २०८१ शुक्रबार
२४ करोड लागतमा निर्माण गरेको जिल्ला अस्पताल डोल्पा
जेठ ४, २०८१ शुक्रबार
सुनको मूल्यमा गिरावट, तोलाको कति ?
जेठ ४, २०८१ शुक्रबार
राजनीतिक दल सम्बन्धी संशोधन विधेयक फिर्ता लिन संसद सचिवालयमा पत्र
जेठ ४, २०८१ शुक्रबार
स्वास्थ्य शिविरबाट तीन सयभन्दा बढी लाभान्वित
जेठ ४, २०८१ शुक्रबार
नेपालले टी-२० विश्वकप अघि क्यानडा र अमेरिकासँग वार्म अप खेल खेल्ने
जेठ ४, २०८१ शुक्रबार