नेपाल एग्रो लघुवित्तको बोनस शेयर डिम्याट खातामा जम्मा

११ साउन, काठमाडौं । नेपाल एग्रो लघुवित्तले १४५ बोनस शेयर सम्बन्धित शेयरधनीको डिम्याट खातामा जम्मा गरिदिएको छ ।

कम्पनीले हालसम्म शेयर डिम्याट गराएका शेयरधनीको बोनस शेयर साउन ८ गते खातामा पठाइदिएको हो । तर, अहिलेसम्म पनि डिम्याट नगरेकाहरुले खातामा बोनस शेयर पाउनका लागि पहिला आफूसँग भएको भौतिक प्रमाणपत्र डिम्याट गर्नुपर्नेछ ।

नेपाल एग्रोको असार २१ गते सम्पन्न साधारण सभाले आर्थिक वर्ष २०७६–७७ को नाफाबाट १४ प्रतिशत बोनस शेयर र कर प्रयोजनको लागि ०।७३५ नगद लाभांश वितरण गर्ने प्रस्ताव पारित गरेको थियो ।