परीक्षा व्यवस्थापन कार्यालय तोडफोड गर्ने माथि कारवाही गर्न माग
नेपालबहस संवाददाता
साउन १४, २०७८ बिहिबार २१:३७:३६
१४ साउन, काठमाडौं । मध्यपश्चिम विश्वविद्यालयले उपकुलपतिको निवास र परीक्षा व्यवस्थापन कार्यालय तोडफोडका घटनामा संलग्न विद्यार्थीलाई कानूनी कारवाही गर्न माग गरेको छ ।
आन्दोलनरत विद्यार्थी सङ्गठनका प्रतिनिधिहरुसँग वार्ता भइरहेका बेला एक्कासी उपकुलपति प्राडा नन्दबहादुर सिंहको निवास रहेको विस्तारित कार्यालय र परीक्षा व्यवस्थापन कार्यालय तोडफोड गरिएको जनाउँदै कानूनी कारवाही लागि प्रहरीमा किटानी जाहेरी दिने उपकुलपतिको कार्यालयले जनाएको छ ।
विश्वविद्यालयद्वारा गठित उच्चस्तरीय समस्या समाधान समिति र विद्यार्थी सङ्गठनबीच वार्ता भइरहेका बेला बुधबार साँझ केही विद्यार्थी तोडफोडमा उत्रिएका थिए । ढुङ्गामुढा प्रहारबाट ती दुई कार्यालयका झ्यालढोका सिसा र गाडीमा क्षति पुगेको छ ।
उपकुलपतिको कार्यालयले प्रधानमन्त्री एवं विश्वविद्यालयका कुलपति शेरबहादुर देउवालाई अपमान हुने गरी उपकुलपति सिंहलाई जोडेर बनाइएको नक्कली अडियोप्रति घोर भत्र्सना गर्दै त्यसमा संलग्न अपराधीलाई कडा कारवाही गर्नसमेत माग गरेको छ ।
उपकुलपति कार्यालयद्वारा प्रकाशित विज्ञप्तिमा भनिएको छ, “विश्वविद्यालयलाई ध्वस्त पार्न केही व्यक्तिहरु राष्ट्रिय राजनीतिक नेतृत्व परिवर्तनको मौका छोपी आफ्नो पक्षमा पार्न यस्ता आपराधिक क्रियाकलापको सहारा लिएको पाइएको छ, त्यसमा संलग्न आपराधिक व्यक्तिलाई कुनै हालतमा उन्मुक्ति नदिन माग गर्दछौँ ।”
यसैबीच आज आयोजित पत्रकार सम्मेलनमा उपकुलपति प्राडा सिंहले विश्वविद्यालयमा भइरहेको बेथितिविरुद्ध कडा कदम चालेपछि आफूविरुद्ध घेराबन्दी भएको बताउनुभयो । “राजनीतिक नेतृत्वलाई गलत तरिकाले आफ्नो पक्षमा पार्न सक्रिय तत्वले अहिले समस्या सिर्जना गरिरहेको छ”, उनले भने, “विद्यार्थी उचाल्ने, नक्कली अडियो तयार गरी विश्वविद्यालयमा सुधार ल्याउन खोज्ने पदाधिकारीलाई हतोत्साही बनाउने प्रयास भइरहेका छन्, त्यस्ता कुण्ठित मानसिकताबाट डराउने कुरै हुँदैन ।”
विश्वविद्यालयको बेरुजु आधाभन्दा बढी असुल गरेको, पदाधिकारी, प्राध्यापक तथा कर्मचारी नियुक्ति प्रक्रियामा खुला आवेदन आह्वान गरिँदा, फजुल प्रशासनिक खर्च नियन्त्रण र विश्वविद्यालयबाट तलब खाई निजी क्याम्पस सञ्चालन गर्ने प्राध्यापक तथा कर्मचारीलाई निगरानी गरेपछि आफूविरुद्ध लगातार षड्यन्त्र भइरहेको उपकुलपति सिंहको भनाइ थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपथपलिया पूर्वाञ्चल र गौतम मध्यपश्चिको उपकुलपति
बैशाख १८, २०८१ मंगलबार
त्रिवि भूगोल केन्द्रीय विभागमा माटो परीक्षण तालिममा २० जना सहभागी
बैशाख १३, २०८१ बिहिबार
मध्यपश्चिम विश्वविद्यालयको उपकुलपतिमा, खड्का, गौतम र सिंहको नाम सिफारिस
बैशाख ७, २०८१ शुक्रबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
आज सुनको मूल्य घट्यो, कतिमा हुँदै छ कारोबार ?
जेठ १, २०८१ मंगलबार
क्रिकेटर सन्दीप लामिछानेको मुद्दा हेर्दाहेर्दैमा
जेठ १, २०८१ मंगलबार
सन्दीप लामिछानेको मुद्दामा आज पनि सुनुवाइ हुँदै
जेठ २, २०८१ बुधबार
तपाईको आजको राशीफल कस्तो छ ?
जेठ २, २०८१ बुधबार
सरकारको प्राथमिताः गोलीगठ्ठा उत्पादनमा स्वदेशमै आत्मनिर्भर
जेठ १, २०८१ मंगलबार
क्रिकेटर सन्दीप लामिछानेको मुद्दामा भोलि सुनुवाइ हुने
जेठ १, २०८१ मंगलबार
कतारले भन्यो -'इजराइलको रफाह आक्रमणले हमास वार्तालाई ‘पछाडि’ धकेल्यो '
जेठ १, २०८१ मंगलबार
प्रदेश सरकारको आगामी विनियोजन विधेयकका सिद्धान्त र प्राथमिकता स्वीकृत
जेठ १, २०८१ मंगलबार