पहिरो पन्छाएपछि मुग्लिन सडक सञ्चालनमा, नारायणीले खतराको तह नाघ्यो
नेपालबहस संवाददाता
भदौ ११, २०७८ शनिबार ०:२२:१८
११ भदौ, चितवन । बिहीवारदेखि परेको अविरल वर्षाले पहिरो आएर अवरुद्ध भएको मुग्लिन नारायणगढ सडकखण्ड सञ्चालनमा आएको छ ।
बिहीवार साँझ सेती दोभानमा पहिरो जाँदा अबरुद्ध भएको राजमार्ग शुक्रवार दिउँसोबाट सञ्चालनमा आएको हो । शुक्रबार पनि दिनभरी वर्षा हुँदा सो सडकखण्डमा सडक भासिएको छ ।
चौधकिलोमा सडक भासिए पनि सवारी आवागमनमा कुनै अवरोध भएको छैन । सो क्षेत्रमा सडक फराकिलो भएकाले दुईतर्फी यातायात सञ्चालनमा कठिनाइ नभएको डिभिजन सडक कार्यालय भरतपुरका सूचना अधिकारी शिव खनालले जानकारी दिए ।
चौधकिलोमा ३८ मिटर लामो भाग भासिएको छ । बढीमा चार मिटर फराकिलो क्षेत्र भासिएको खनालले जानकारी दिए । ‘दुई मिटर गहिराइसम्म सडक भासिएको छ,’ खनालले भने, ‘सो ठाउँमा सडक १३(१४ मिटर फराकिलो भएकाले चार मिटर भासिएर सडक रोकिँदैन ।’ भासिएको क्षेत्र बाहेकमा दुईतर्फी सवारी सञ्चालन भइरहेको उनको भनाइ छ ।
सडक भासिएपछि केही समय यतायात अवरुद्ध भएको थियो, पछि सन्चालनमा आएको छ । सडक भासिएको ठाउँबाट करिब २० मिटर तल त्रिशूली नदी छ । नदीको कटानले सडक भासिएको अनुमान गरिएको छ । नदीको सतह घटेपछि तलबाट मर्मत थालिने खनालले जानकारी दिए ।
सडक भासिएको ठाउँमा पर्खाल लगाएर सडक सुरक्षित गर्ने तयारी गरिएको छ । सोही सडकको सेतीदोभानमा खसेको पहिरो पन्छाएपछि सडक दुईतर्फी नै सञ्चालनमा छ । नियमित वर्षा भइरहेकाले जुनसुकै बेला पहिरो खस्न सक्ने जोखिम भने कायमै छ ।
दिउँसो केही ठाउमा पहिरो खस्ने र एक आधा घण्टा रोकिए पनि अहिले सडकमा अवरोध नभएको उनले जानकरी दिए । ‘पानी नपरेको अवस्थामा पहिरो नझरे सडक रोकिँदैन,’ उनले भने ।
यसैबिच निरन्तरको वर्षाले नारायणी नदीमा बाढीले खतराको तह नाघेको छ । खतराको तह पार गरेकाले सर्तक रहन प्रशासनले तटीय क्षेत्रका बासिन्दालाई अपिल गरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमटिहानीका खरानीका घर, बौरिने प्रतीक्षामा पीडित
बैशाख २०, २०८१ बिहिबार
तापक्रम वृद्धिका कारण हिउँ र हिमनदी पग्लने क्रम तीव्र
बैशाख १०, २०८१ सोमबार
मनास्लु हिमालमा हिमपहिरो, बूढीगण्डकी नदी आसपासका क्षेत्रमा उच्च जोखिम
बैशाख ९, २०८१ आइतबार
सिद्धार्थ बैंकको प्रमुख आम्दानी नै घट्यो, वितरण योग्य मुनाफा २७ करोड माइनसमा
जेठ ३, २०८१ बिहिबार
केपी ओलीले मदन भण्डारीका ‘हत्यारा’ लुकाएकै हुन् ?
जेठ ३, २०८१ बिहिबार
तपाईको आजको राशीफल कस्तो छ ?
जेठ ३, २०८१ बिहिबार
तपाईको आजको राशीफल कस्तो छ ?
जेठ ४, २०८१ शुक्रबार
यी ठाउँमा हावाहुरीसहित हल्का वर्षाको सम्भावना
जेठ ४, २०८१ शुक्रबार
भङ्गहा–जनकपुर–जयनगर रेल्वे सेवा तीन दिन बन्द हुने
जेठ ३, २०८१ बिहिबार
‘विप्रेषण विकासको दीर्घकालीन माध्यम होइन’
जेठ ३, २०८१ बिहिबार
सगरमाथा आधार शिविरतर्फ पठाइयो ‘विश्व शान्ति दीप’
जेठ ३, २०८१ बिहिबार
अब संसदीय छानबिन समिति नबनेसम्म सदन अघि बढ्दैन : कांग्रेस
जेठ ३, २०८१ बिहिबार