फर्निचर खरिदमा बीओकेका ग्राहकलाई २० प्रतिशत छुट

२४ भदौ, काठमाडौं । नेपालीहरुको ठुलो चाड दशैं नजिकिएसँगै विभिन्न सामान खरिदमा छुटको अफरहरु आउन थालेको छ । दशैं आउन करिब एक महिना बाँकी नै छ । सोही समयलाई मध्यनजर गर्दै बैंक अफ काठमाण्डू लिमिटेड (बीओके) र फर्निचर वान स्टोरबीच सम्झौता भएको छ । सम्झाैता अुनसार बैंकको डेबिट कार्ड/क्रेडिट कार्ड तथा मोबाइल बैंकिङ्गबाट क्यूआर कोड स्क्यान गरी रकम भुक्तानी गर्दा बैंकका ग्राहकले २० प्रतिशतसम्म छुट पाउने भएका छन् ।

सम्झौता पश्चात् ग्राहकले फर्निचर वान स्टोरबाट घर तथा अफिसको लागि आवश्यक फर्निचरहरु खरिद वापत बैंकको कार्ड तथा मोबाइल बैंकिङ्गको प्रयोग गरी भुक्तानी गर्दा वास्तविक मुल्यको २० प्रतिशत सम्म छुट पाउनुहुने बैंकले जनाएकोछ । फर्निचर वान स्टोरले डिल्लिबजारबाट सेवाग्राहीहरुलाई फर्निचरहरु बिक्री गर्दै आईरहेको छ ।

बैंक अफ काठमाण्डू लिमिटेडले ९० शाखा कार्यालयहरु, ८० एटिएम र १० एक्स्टेन्सन काउन्टरबाट आफ्ना ग्राहक महानुभावहरुलाई उत्कृष्ट बैंकिङ्ग सुविधा प्रदान गर्दै आईरहेको छ ।