हालै आईपीओ निष्कासन गरेको मनकामना स्मार्ट लघुवित्तद्वारा लाभांश घोषणा

१६ असोज, काठमाडौं । हालै आईपीओ निष्कासन गरेको मनकामना स्मार्ट लघुवित्तले लाभांश घोषणा गरेको छ । लघुवित्तले शेयरधनीलाई १७ प्रतिशत बोनस शेयर दिने भएको हो ।

कम्पनीको मंगलबार बिहान बसेको सञ्चालक समिति बैठकले गत वर्षको नाफाबाट १७% बोनस सेयर वितरण गर्ने निर्णय गरेको हो ।

साविकको मनकामना लघुवित्त र स्मार्ट लघुवित्त मर्ज भएर २०७७ साउन ११ गतेदेखि एकीकृत कारोबार भएकाले घोषित बोनस शेयरमा कर नलाग्ने कम्पनीले जनाएको छ ।

प्रस्तावित लाभांश नियामक नेपाल राष्ट्र बैंक र मनकामनाको आगामी वार्षिक साधारण सभाबाट अनुमोदन भएपछि वितरण हुनेछ ।