कालिका लघुवित्तको मुनाफामा उछाल, प्रतिशेयर आम्दानी उच्च

१७ कार्तिक, काठमाडौं । कालिका लघुवित्त वित्तिय संस्था लिमिटेडले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । प्रकाशित वित्तिय विवरण अनुसार संस्थाको खुद मुनाफामा उल्लेख्य बृद्धि भएको देखिन्छ ।

उक्त विवरण अनुसार पहिलो त्रैमाससम्म आइपुग्दा संस्थाले ४ करोड ८० लाख रुपैयाँ खुद नाफा आर्जन गरेको छ । गत आर्थिक वर्षको यसै अवधिमा संस्थाको मुनाफा ४१ लाख ८८ हजार रुपैयाँ ऋणात्मक थियो ।

पहिलो त्रैमाससम्म आइपुग्दा संस्थाले खुद व्याज आम्दानी पनि बढाएर ७ करोड ६३ लाख रूपैयाँ पुर्याएको छ । उक्त व्याज आम्दानी गत आर्थिक वर्षको यसै अवधिको तुलनामा २० प्रतिशतले धेरै हो । गत आर्थिक वर्षको यसै अवधिमा संस्थाले ६ करोड ३५ लाख रुपैयाँ खुद व्याज आम्दानी गरेको थियो ।

त्यसैगरी, संस्थाको चुक्ता पुँजी २७ करोड रुपैयाँ, प्रतिसेयर आम्दानी ६९ रुपैयाँ २० पैसा रहेको छ भने प्रतिसेयर नेटवर्थ १६९ रुपैयाँ ६८ पैसा रहेको छ ।