तोसिमा कार्कीको रिट न्यायाधीश चुडालको इजलासमा

१५ कात्तिक, काठमाडौं । निर्वाचन आयोगको निर्णय खारेजीको लागि अन्तरिम आदेशको मागसहित सर्वोच्च अदालतमा दायर डा. तोसिमा कार्कीको रिट निवेदन न्यायाधीश डा. कुमार चुडालको एकल इजलासमा परेको छ ।

सोमबार दायर भएको रिट प्रारम्भिक सुनुवाईका लागि न्यायाधीश चुडालको इजलासमा पेशी तोकिएको हो । रिट १० नम्बरमा परेको छ ।

रिट निवेदक कार्कीले ललितपुर क्षेत्र नं. २ बाट प्रतिनिधिसभाका लागि दर्ता भएको उम्मेदवार निर्वाचन आयोगले लाभको पदमा बसेको जनाउँदै खारेज गरिदिएपछि खारेजी निर्णयलाई बदरको मागसहित रिट दायर गरेकी थिइन् ।

कार्कीको पक्षबाट वरिष्ठ अधिवक्ता भीमार्जुन आचार्य, सुरेन्द्र भण्डारी, अधिवक्ता दिनेश त्रिपाठी लगायतले बहस गर्दैछन् ।

तोसिमा मेडिकल काउन्सिलको लाभको पदमा रहेको जनाउँदै आयाेगले उनकाे उम्मेदवारी खारेज गरेकाे थियाे । तर उनले आयोगको निर्णय शंकास्पद रहेको बताउँदै आएकी छन् ।