तोसिमा कार्कीको मुद्दामा सर्वोच्चद्वारा अन्तरिम आदेश, उम्मेदवारी खारेज नहुने [आदेशसहित]

१५ कात्तिक, काठमाडौं । राष्ट्रिय स्वतन्त्र पार्टीकी उम्मेदवार डा. तोसिमा कार्कीको मुद्दामा सर्वोच्च अदालतले अन्तरिम आदेश जारी गरेको छ । न्यायाधीश डा. कुमार चुडालको एकल इजलासले रिटमाथि सुनुवाई गर्दै मुद्दाका विपक्षी निर्वाचन आयोगको नाममा अन्तरिम आदेश जारी गरेको हो ।

कार्कीले आगामी मंसिर ४ का लागि ललितपुरको क्षेत्र नं. ३ बाट प्रतिनिधिसभा सदस्यका लागि उम्मेदवार दिएकी थिइन् ।तर आयोगले उनलाई लाभको पदमा रहेको जनाउँदै कानून बमोजिम उम्मेदवारी खारेज गरेको जनाएको थियो ।

निर्वाचन आयोगको निर्णय कानूनविपरीत भएको भन्दै निर्णय बदर गर्न अन्तरिम आदेशको मागसहित सर्वोच्च अदालतमा आइतबार रिट निवेदन दायर गराएकी थिइन् ।साथै आयोगलाई कारण देखाउ आदेश पनि दिएको छ । यससँगै डा. कार्कीको उम्मेदवारी कायम भएको छ ।