अदालतमा सन्दीपको बयान सकियो, बुधबारदेखि थुनछेक बहस

१५ कात्तिक, काठमाडौं । नाबालिग बलात्कारको आरोपमा प्रहरी हिरासतमा रहेका क्रिकेटर सन्दीप लामिछानेको अदालतमा बयान सकिएको छ। १७ वर्षीया नाबालिगमाथि बलात्कार गरेको आरोपमा पक्राउ परेका उनको पेसी आज काठमाडौं जिल्ला अदालतमा न्यायाधीश माधवप्रसाद घिमिरेको इजलासमा परेको थियो ।

बयान सकिएसँगै अब भोलिदेखि थुनछेक बहस हुने भएको छ । सरकारी वकिलसँगको बयान सकेपछि प्रहरीले  जबर्जस्ती करिणी (बलात्कार) कसुरमा १२ वर्ष कैद सजायको माग दाबीसहित अदालतमा सोमबार मुद्दा दायर गरेको थियो ।