सन्दीपको मुद्दामा नौ वकिलले गरे बहस, भाेलि पनि जारी रहने

१४ कात्तिक, काठमाडौं । एक १७ वर्षीया नाबालिगमाथि बलात्कार गरेको आरोपमा पक्राउ परेका क्रिकेटर सन्दीप लामिछानेको मुद्दामा बुधबार अधिवक्ता मुरारी सापकोटा र रोशनी घिमिरे लगायतले बहस गरेका छन् ।

मुद्दा काठमाडौं जिल्ला अदालतमा सोमबार भएको थियो । मंगलबार न्यायाधीश माधवप्रसाद घिमिरेको इजलासमा बयान सकेपछि आजैबाट थुनछेक बहस शुरु भएको हो । आज मुद्दालाई हेर्दाहेर्दैमा राखिएको छ । बहस भोलि निरन्तर चल्नेछ ।

पीडितको पक्षमा चार जना सरकारी वकिल, तीन जना वकिलले बहस गरेका छन्। बहस सकिएपछि इजलासले आदेश जारी गर्नेछ। गत असाेज २० मा पक्राउ परेका उनलाई २४ दिन प्रहरी हिरासतमा राखी कात्तिक १४ गते जिल्ला अदालतमा जबरजस्ती करणी गरेको कसुरमा १२ वर्ष कैदसजाय र उचित क्षतिपूर्तिको मागदाबीसहित मुद्दा दायर गरिएको थियो ।

अभियुक्त लामिछानेले आफूले नाबालिग भनिएका जाहेरीवाल किशोरीलाइ जबर्जस्ती करिणी नगरेको बयान दिँदै आएका छन् ।