भ्रष्ट्राचार गर्दिन, प्रतिबद्धता पुरा गर्छु : महेश भट्टराई
नेपालबहस संवाददाता
मंसिर १८, २०७९ आइतबार १९:४२:१२
१८ मंसिर, स्याङ्जा । स्याङ्जाको प्रतिनिधिसभा क्षेत्र नं. २ को प्रदेशसभा (२) तर्फ नेपाली कांग्रेस युवा नेता महेश भट्टराई प्रदेश सदस्यमा निर्वाचित भए । उनले एमालेका बुद्धिमान श्रेष्ठलाई १ हजार ८ सय ९ मतान्तरले पराजित गर्दै निर्वाचित भएका हुन् ।
निर्वाचित भट्टराईले १८ हजार ८ सय ८ मत प्राप्त गर्दा पराजित श्रेष्ठले १६ हजार ९ सय ९९ प्राप्त गरेको निर्वाचन कार्यालयले जनाएको छ । मंसिर ४ मा सम्पन्न निर्वाचनमा बुथ कब्जा गरेको एमाले र काँग्रेसको आरोप प्रत्यारोपले ११ गते साँझबाट शुरु मतगणनाको ढिलो गरी शनिवार राति मतपरिणाम आयो ।
२०७४ को स्थानीय तह निर्वाचनमा भट्टराई गल्याङ् नगरपालिका वडा नं. ३ को वडाध्यक्षमा विजयी हुँदा उता श्रेष्ठ चापाकोट नगरापालिकाको नगरप्रमुखमा पराजित बन्न पुगेका थिए । श्रेष्ठको पराजयको श्रंखला २०७४ देखि २०७९ सम्म जारी छ । श्रेष्ठ दुबै तहको निर्वाचनमा पराजित मात्रै भएन्न, कहिले कहिले निर्वाचन क्षेत्र आउने (टुरिष्ट) उम्मेदवारमा पनि दर्ज भए ।
राजनैतिकमा संघर्षको विरासत बोकेको परिवारका सदस्य भट्टराई जिल्लामै (२०७४–०७९) उदाहरणीय जनप्रतिनिधका रुपमा परिचित थिए । आफ्नो कार्यकालमा उनले स्थानीय सरकारको बजेट मार्फत र पकेटकै जोहो गरेर समाजसेवामा खर्च गरे, व्यस्त रहे ।
प्रदेशसभा अन्र्तगतका २६ वडा मध्ये अधिकांश वडामा श्रेष्ठको तुलनामा भट्टराईलाई आम मतदाताले धेरै विश्वास गरेको प्रमाणित भएको छ । झण्डै २० वडामा मत भट्टराईले बहुमत ल्याए । भट्टराईले प्रत्यक्ष रुपमा गरेको काम र परिवारको विरासतलाई आम मतदाताले अनुमोदन गरेका छन् ।
स्याङ्जाको चापाकोट घर भई जापनित महिलासँग विवाह गरी काठमाडौंमा बस्दै आएका श्रेष्ठ अक्कलझुक्कल जिल्ला आउँछन् । जिल्ला आउँदा जनताको समस्यामा केन्द्रित होईन् आफ्नै रमाइलोमा दिनचर्या बिताउँछन् । कान्तिपुर डेण्टल अस्पतालका मालिक श्रेष्ठ एमाले भित्रकै असहयोले पराजित बन्न पुगेको स्कार्न सकिदैन् ।
निर्वाचित भएपछि काँग्रेसका युवा नेता भट्टराईले प्रदेशसभा सदस्यको जिम्मेवारीलाई कुशलता पूर्वक निर्वाह गर्ने बाचा गरे । हर क्षण जनताको सेवा लाग्ने समर्पित हुने बताउँदै भट्टराईले भ्रष्ट्राचार नगर्ने र चुनाबी मैदानमा गरेको बाचा पुरा गर्ने अठोट गरेका छन् ।
“हाम्रो समाजको ठूलो समस्या भनेकै भ्रष्ट्राचार हो, त्यसको अन्त्य नभएसम्म सम्मुनत समाज बन्दैन् ।” निर्वाजिचत भएपछि एक विज्ञप्ती जारी गर्दै भट्टराईले भने, “सम्मुनत समाज निर्माणका लागि सुशासन कायम राख्दै भ्रष्ट्राचार अन्त्य भएपछि समाज विकास पहिलो प्राथमिकता हो ।”
निर्वाचनको दौरानमा गरिएका एक–एक बाचा पुरा गर्ने तर्फ ध्यान केन्द्रित गर्ने दाबी गरेका भट्टराईले खानेपानीको गुणस्तरीय सेवा विस्तार, विद्युत सेवाको सर्वशुलभ उपलब्धता, सडक निर्माण र रोजगारी तथा स्वरोजगारबाट आम नागरिकको जीवनमा परिवर्तन ल्याउनु चुनौती रहेको बताए । नागरिकको सेवा नै मुल कर्म र धर्म हो भनेर भट्टराईले संकल्प गरेका छन् ।
चुनाबी मैदानमा जित हार लोकतन्त्रको सुन्दर पक्ष रहेको स्पष्ट पार्दै विजयी भट्टराईले प्रतिस्पर्धी उम्मेदवार श्रेष्ठलाई जनताको सेवा खटिन आग्रह गरे । निर्वाचनका क्रममा सहयोग गर्नेप्रति आभार व्यक्त गर्दै गण्डकी प्रदेश सदस्य भट्टराईले स्याङ्जाली जनताको साथ र सहयोग निरन्तर रहनेमा विश्वास जनाएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपइलाममा एकीकृत समाजवादी र राप्रपाको लज्जास्पद हार, झलनाथ थिए चुनावी कमाण्डर !
बैशाख १८, २०८१ मंगलबार
इलाम–२ मा रास्वपाको जमानत जफत
बैशाख १८, २०८१ मंगलबार
इलाम- २ मा एमालेका सुहाङ नेम्वाङ विजयी
बैशाख १८, २०८१ मंगलबार
सिद्धार्थ बैंकको प्रमुख आम्दानी नै घट्यो, वितरण योग्य मुनाफा २७ करोड माइनसमा
जेठ ३, २०८१ बिहिबार
पेट्रोलियम पदार्थको मूल्य घट्यो
जेठ २, २०८१ बुधबार
ट्राफिकको यान्त्रिक चेकिङमा ५३ जना चालकमाथि कारबाही
जेठ २, २०८१ बुधबार
सुनसरीमा प्रहरीले लागूऔषध कारोबारीलाई गोली हानेर नियन्त्रणमा लियो
जेठ ३, २०८१ बिहिबार
कांग्रेसले बोलायो संसदीय दलको बैठक
जेठ ३, २०८१ बिहिबार
संसद् कांग्रेसको तरुण क्लब होइन : योगेश भट्टराई
जेठ ३, २०८१ बिहिबार
अब संसदीय छानबिन समिति बन्दैन : रास्वपा
जेठ ३, २०८१ बिहिबार
सुदूरपश्चिमका मुख्यमन्त्रीविरुद्धको रिट खारेज
जेठ ३, २०८१ बिहिबार
सभामुख पार्टीको इशारामा चल्यो : कांग्रेस
जेठ ३, २०८१ बिहिबार