१२ कराेड हिनामिनाकाे आराेपमा तुलसी सहकारीका अध्यक्षसहित ५ जनाविरुद्ध मुद्दा चलाइँदै
नेपालबहस संवाददाता
फागुन २९, २०७९ सोमबार २१:४:२४
२९ फागुन, मोरङ । प्रहरीले विराटनगरमा रहेको तुलसी बहुमुखी सहकारी संस्थाका सञ्चालकहरूविरुद्ध ठगी मुद्दा चलाउने तयारी गरेको छ ।सर्वसाधारणको करोडौं बचत संकलन गरेर फिर्ता नगरिएको उजुरीका आधारमा अनुसन्धानपछि सहकारीका अध्यक्ष र सञ्चालकविरुद्ध ठगी मुद्दा चलाउने तयरी गरेको हो ।
सहकारीका अध्यक्षसहित ५ जनाविरुद्ध मुद्दा दर्ताको तयारी भएको प्रहरीले जनाएको छ । अध्यक्ष केदारनाथ शर्मा भने फरार छन् । उपाध्यक्ष अनिता गौतम, सचिव सविना न्यौपाने र क्षेत्रीय प्रबन्धक मन्दीप खवासविरुद्ध मुद्दा चलाउने अन्तिम तयारी भइरहेको जिल्ला प्रहरी कार्यालय मोरङका प्रहरी उपरीक्षक दीपक पोखरेलले बताए ।
उनीहरुले ४ जिल्लाबाट सर्वसाधारणको एक अर्ब ४९ करोड हाराहारीमा रकम बचत संकलन गरेको र उक्त रकम हिनामिना गरेको पाइएको प्रहरीको दाबी छ । जिल्ला प्रहरी कार्यालयमा १२१ जनाले १२ करोड ९ लाख ४ हजार रुपैयाँ ठगी गरेको दाबीसहित उजुरी गरेका छन् । उजुरी आउने क्रम जारी रहेको प्रहरीले जनाएको छ ।
देशभर कार्यक्षेत्र बनाएको सहकारीको मुख्य कार्यालय विराटनगरमा छ । झापाको दमक, उदयपुरको गाइघाट र सिराहाको गोलबजारमा सेवा केन्द्र रहेका छन् । तर बचत फिर्ता गर्न नसकेपछि फागुन १ गतेबाट विराटनगरमा रहेको दुई वटा कार्यालयसहित झापा, उदयपुर र सिराहामा भएको कार्यालय बन्द छन् ।
१५ प्रतिशतसम्म ब्याज पाउने आशमा सर्वसाधारणले प्रतिव्यक्ती एक करोडसम्म बचत गरेकोा पाइएको छ । सहकारीमा २१ हजार ७ सय १३ जना सदस्य छन् । उनीहरुसँग पेन्सन, सुपर लगायत शीषकमा खाता बनाएर रकम संकलन गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउदयपुरको रौतामा आगलागी हुँदा ५० लाख बराबरको क्षति
बैशाख १४, २०८१ शुक्रबार
आज प्रचार प्रसारको अन्तिम दिन, इलाममा कांग्रेसको ४२ वटै वडामा घरदैलो
बैशाख १२, २०८१ बुधबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
बैशाख १४, २०८१ शुक्रबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मूख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
गृहमन्त्री लामिछानेविरुद्ध दिएको रिट सर्वोच्चले दर्ता गरेन
बैशाख १४, २०८१ शुक्रबार
भोलिदेखि जिल्ला लिग फुटबलको तेस्रो संस्करण हुँदै
बैशाख १४, २०८१ शुक्रबार
पुलिस क्लब राष्ट्रिय भलिबल प्रतियोगिताको फाइनलमा
बैशाख १४, २०८१ शुक्रबार