अग्रज संगीतकार प्रकाश गुरुङलाई बिन्ध्यबासिनी म्युजिक टाईम अचिभमेन्ट अवार्ड

२१ चैत्र, काठमाडौं । विगत १३ बर्षदेखि नेपाली संगीत क्षेत्र र योसँग सम्बन्धित श्रष्टा कलाकारहरूलाई सम्मान गर्दै आइरहेको बिन्ध्यबासिनी फाउन्डेसनले बिन्ध्यबासिनी म्युजिक अवार्डको १३औं संस्करण आगामी बैशाख २२ गते शुक्रबार सम्पन्न गर्दैछ ।

मुक्तिनाथ विकास बैंकको प्रस्तुति रहेको सो कार्यक्रममा अग्रज संगीतकार प्रकाश गुरुङलाई १ लाख धनराशीसहित बिन्दबासिनी लाईफ टाईम अचिभमेन्ट अवार्ड २०७९ समर्पण गर्ने कुरा फाउन्डेसनले जानकारी गराएको छ ।

यसअघि यो सम्मानबाट भक्तराज आचार्य बि.सं २०६७ (गायक र संगीतकार), माणिकरत्न स्थापित बि.सं.२०६८ (संगीतकार), किरण खरेल बि.सं. २०६९ (गीतकार), अम्बर गुरुङ बि.सं. २०७० ( संगीतकार), दिनेश अधिकारी बि.सं. २०७१ (गीतकार), प्रेमध्वज प्रधान बि.सं. २०७२ (गायक र संगीतकार) ,दीपक जंगम बि.सं. २०७३ (संगीतकार), रत्नशमशेर थापा बि.सं.२०७४ (गीतकार) ,शक्ति बल्लभ बि.सं. २०७५ (संगीतकार), कुमार बस्नेत बि.सं. २०७६ (गायक), योगेश बैद्य बि.सं. २०७७ (गायक), विश्व वल्लभ बि.सं. २०७८ (गीतकार) जस्ता अग्रज श्रष्टाहरु सम्मानित भएका थिए ।

निजी क्षेत्रबाट नेपाली संगीत र श्रष्टाको श्रीबृद्धिमा महत्वपूर्ण भुमिका निर्वाह गर्ने पवित्र मनसायले यो सम्मान र अवार्डको आयोजना गर्ने गरेको कुरा फाउन्डेसनकी अध्यक्ष लिना शर्मा रेग्मीले बताएकी छन् ।