रबि लामिछानेविरुद्धको मुद्दामा सर्वोच्चमा सुनुवाइ जारी

२१ चैत, काठमाडौं । राष्ट्रिय स्वतन्त्र पार्टी (रास्वपा)का सभापति एवं चितवन २ को उपनिर्वाचनका उम्मेदवार रबि लामिछानेविरुद्ध दायर मुद्दामा सर्वोच्चमा अदालतमा सुनुवाइ सुरू भएकाे छ ।

सिन्धुलीका युवराज पौडेलले सोमबार दायर गरेको दाेहाेराे राहदानी प्रयाेग गरेकाे विषयमा लामिछानेमाथि मुद्दा चलाउनुपर्ने मागसहितकाे मुद्दामा न्यायाधीश अनिलकुमार सिन्हाको एकल इजलासमा सनुवाइ भइरहेको छ ।

पौडेलले महान्यायाधिवक्ताको कार्यालय, जिल्ला सरकारी वकिलको कार्यालय काठमाडौं लगायत ८ पक्षलाई विपक्षी बनाएका छन् ।

दोहोरो राहदानीसम्बन्धी प्रहरीले गरेको अनुसन्धान प्रतिवेदनका आधारमा जिल्ला सरकारी कार्यालयको रायमा महान्यायाधीवक्ताको कार्यालयले मुद्दा चलाउन नपर्ने निर्णय गरेको थियो ।