रञ्जुप्रति बिना मगर आक्रोशित, चरित्रहत्या नगर्न चेतावनी !
इन्द्र रिजाल
चैत १५, २०७५ शुक्रबार १५:२५:५३
काठमाडौं । खानेपानी तथा सरसफाइ मन्त्री बिना मगरले मेलम्ची खानेपानी आयोजनासँग जोडेर आफ्नो चरित्रहत्याको प्रयास भइरहेको आरोप लगाएकी छिन् ।
विवेकशील नेपाली दलकी नेतृ रञ्जु दर्शनाले मेलम्ची आयोजनामा अनियमितता गरेको भन्दै खानेपानी मन्त्रालय र मन्त्रीविरुद्ध उजुरी दिएका बेला बुधवार विज्ञप्ति जारी गर्दै मन्त्री मगरले प्रमाणविना आफ्नो स्वार्थपूर्तिका लागि चरित्रहत्या नगर्न चेतावनी दिएकी छिन्।
‘यदि अनियमितता प्रमाणित भएन भने मेरो चरित्रहत्या गरेको जिम्मेवारी लिन तपाई रञ्जु दर्शना तयार हुनुहुन्छर ? ’ उनले प्रश्न गरेकी छिन्, ‘आफ्नो स्वार्थपूर्तिका लागि कसैमाथि चरित्रहत्या गर्ने अधिकार उनलाई छैन । यो चरित्रहत्या मेराविरुद्ध मात्र नभएर निष्ठा र समर्पणको राजनीति गर्नेहरुमाथिको आक्रमण हो।’
मेलम्ची खानेपानी आयोजना समयमै सम्पन्न गर्न आफू लागिरहेको र ठेकेदार कम्पनी सिएमसी आर्थिक रुपमा टाट पल्टिँदा निर्माणको कार्यमा अवरोध पुगेको स्पष्ट पार्दै मन्त्री मगरले मेलम्ची खानेपानी विकास समिति आफैंमा स्वायत्त, अधिकारसम्म निकाय भएको र सहजीकरणबाहेक मन्त्रीको प्रत्यक्ष भूमिका नरहने जानकारी गराएकी छिन्। ‘विषय यति प्रस्ट हुँदाहुँदै नियोजित रुपमा मन्त्रीलाई जोड्न खोज्नु राजनीतिक पूर्वाग्रह र बेइमानी हो’, उनले भनेकी छिन् ।
मेलम्ची आयोजना छिटो सम्पन्न गर्न मन्त्रालय र विकास समितिले विभिन्न विकल्पमा छलफल गरिरहेको मन्त्री मगरको भनाई छ। ‘राजनीति जनताका लागि, जनताको सेवाका लागि’ भन्ने मुल मन्त्रसहित अघि बढिरहेको भन्दै उनले आफ्नो राजनीतिक निष्ठामाथि प्रश्न उठाउँदा पृष्ठभूमि र संघर्षको इतिहासप्रति हेक्का राख्न आग्रह गरेकी छिन् ।
अख्तियारमा उजुरी गर्न पाउने अधिकारको आफूले सम्मान गर्ने तर त्यसको लागि तथ्यगत प्रमाण हुनुपर्नेमा जोड दिँदै मन्त्री मगरले मेलम्ची आयोजनामा अनियमितता भएको प्रमाणित भए जुनसुकै सजाय भोग्न तयार रहेको स्पष्ट पारेकी छिन्।
अनियमितता प्रमाणित नभए चरित्रहत्याको जिम्मेवारी रञ्जुले लिनुपर्ने मन्त्रीको भनाई छ। ‘यदि अनियमितता प्रमाणित भएन भने मेरो चरित्रहत्या गरेको जिम्मेवारी लिन तपाई रञ्जु दर्शना तयार हुनुहुन्छ ? ’ उनले प्रश्न गरेकी छिन्, ‘आफ्नो स्वार्थपूर्तिका लागि कसैमाथि चरित्रहत्या गर्ने अधिकार उनलाई छैन। यो चरित्रहत्या मेराविरुद्ध मात्र नभएर निष्ठा र समर्पणको राजनीति गर्नेहरुमाथिको आक्रमण हो।’ नागरिक दैनिकबाट
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसरकारको बेइमानी : १३ लाख बालबालिकाको भविष्य जोखिममा
कात्तिक ८, २०८० बुधबार
राजधानीको हल्चोक स्थित रातामाटामा चङ्गा उडाउँदै [ फोटोफिचर ]
असोज २३, २०८० मंगलबार
अनधिकृत अनुवाद र पाइरेसीको विकृत धन्दा, एउटाको दुःख, अर्कोलाई मोज
असोज ८, २०८० सोमबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
ओली भष्मासुर हुन, सिध्याउनुपर्छ भन्थे, उनैलाई सिध्याए
केदार भट्टराई (काका)
बैशाख २४, २०८१ सोमबार
सुन तस्करी सम्बन्धी गृहले बनाएको समितिको जिष्ट प्रतिवेदन,१० जनालाई कारबाही गर्न सुझाव
बैशाख २५, २०८१ मंगलबार
कालोपत्र गर्न नेपालकै ठूलो ‘हटमिक्स प्लान्ट’ जडान
बैशाख २५, २०८१ मंगलबार
एकैदिन ३१ वटा विद्युतीय कार काठमाडौं पठाइँदै
बैशाख २५, २०८१ मंगलबार
मातातिर्थ औैसीमा भट्टराई छोरीबुहारीले दमकमा गरे जेष्ठ नागरिकलाई सम्मान
बैशाख २६, २०८१ बुधबार
३ अर्बको ऋणपत्र निष्कासन गर्दै नबिल बैंक, बिक्री प्रबन्धकमा नेपाल एसबीआई मर्चेण्ट बैंकिङ
बैशाख २६, २०८१ बुधबार
रियालिटी शो 'द स्पिकिङ्ग टाइटन'को घोषणा, खुल्यो डिजिटल अडिसन
बैशाख २६, २०८१ बुधबार
धुलो र हिलोले यात्रुलाई सास्ती
बैशाख २६, २०८१ बुधबार
कर्पोरेट सुपर सिक्सेसको विजेता बन्यो माछापुच्छ्रे बैंक
बैशाख २६, २०८१ बुधबार