संक्रमणकालीन न्याय अदालतको हस्तक्षेपको विषय होइन : महरा

२७ चैत, काठमाडौं । नेकपा (माओवादी केन्द्र)का उपाध्यक्ष कृष्णबहादुर महराले संक्रमणकालीन न्यायको विषय अदालत र न्यायाधीशले हस्तक्षेप गर्न नमिल्ने बताएका छन् । 

आज काठमाडौंमा आयोजित नेपालमा शान्ति प्रक्रिया र संक्रमणकालीन न्यायसम्बन्धी अन्तर्क्रिया कार्यक्रममा बोल्दै महराले  वृहत विस्तृत शान्ति सम्झौताको मर्मअनुरुप संक्रमणकालीन न्यायको विषय सत्य निरुपण तथा मेलमिलाप आयोगद्वारा निरुपण हुनुपर्ने बताए ।

द्वन्द्वका बाँकी कामलाई टुंगोमा पुर्याउनकै लागि सरकारले आयोगलाई बलियो बनाउन विधेयक ल्याएको बताउँदै यसमा कुनै पक्षबाट पनि असहयोग हुन नहुने बताए । असहयाेग र हस्तक्षेपले मुलुकमा दीगाे शान्ति कायम हुन नसक्ने उनकाे भनाइ  छ ।

‘मर्मअनुसार दीगो शान्ति कायम गर्ने र वास्तवमा राज्यको पुनः संरचनासहित शान्ति र निष्कर्षमा पुर्‍याउने हो। १० वर्ष जनयुद्ध भएको हो, कारबाही भएको हो, तर यसलाई कुनै पनि पुरानो कानून हेरेर हुँदैन। यसलाई आयोगद्वारा हल गर्नुपर्छ’ उनले भने ।