तीन कम्पनी मर्जपछि बनेको हिमालयन लाइफ इन्स्योरेन्सले ल्यायाे नयाँ लोगो

१७ वैशाख, काठमाडौं । प्राइम लाइफ, गुराँस लाइफ  र युनियन लाइफ इन्स्योरेन्सबीच मर्ज भई बनेको हिमालयन लाइफ इन्स्योरेन्सको नयाँ लोगो सार्वजनिक गरिएको छ ।

यी तीन वटै कम्पनीबीच १ः१ः१ रेसियोमा मर्जरमा जाने सहमति भएको छ । समान हैसियतमा मर्ज हुन लागेका जीवन बीमा कम्पनीले ‘हिमालयन लाइफ इन्स्योरेन्स’ नामबाट जीवन बीमा व्यवसाय सुरु गर्नेछ । इन्स्योरेन्सले ‘सुरक्षा अटल भविष्य अटल’ नारा बनाएको छ । 

नियामक निकाय नेपाल बीमा प्राधिकरण, नेपाल धितोपत्र बोर्ड र कम्पनी रजिष्टार्डको कार्यालयले यी तीन कम्पनीको मर्जरलाई अन्तिम स्वीकृति प्रदान गरिसकेको छ । 

नयाँ कम्पनीले यहि वैशाखको अन्तिम हप्ताबाट एकीकृत कारोबार सुरु गर्ने भएको छ । नयाँ बनेको कम्पनीमा आशिष गौचन सीईओ बनेका छन् । अध्यक्षमा एलपी भानु शर्मा चयन भएका छन् ।