सिम्रिक एयरका हेलिकोप्टरमाथि सुरक्षा जाँच सकियाे, सुरू भयाे नियमित उडान

२५ वैशाख, काठमाडाैं । सिम्रिक एयरको हेलिकोप्टरमाथि लगाइएको उडान बन्देज खुला भएको छ । सोमबार बिहानदेखि उडानहरू सुचारु भएको सिम्रिक एयरले जनाएको छ । 

शुक्रबार संखुवासाको भोटखोला गाउँपालिका–४ सिप्रुङमा ९ल्–एजेजेड कल साइन भएको सिम्रिक हेलिकोप्टर दुर्घटना भएपछि नागरिक उड्डयन प्राधिकरणले सुरक्षा जाँचका लागि भन्दै शुक्रबारदेखि नै सूचना जारी गरी अनिश्तिकालका लागि प्रतिबन्ध लगाएको थियाे । चेकजाँचमा उडानका लागि योग्य रहेको निष्कर्षसहित प्रतिबन्ध फकुवा गरिएको हो । 

सुरक्षा जाँच र संस्थागत अडिटपछि सिम्रिक एयरका सबै हेलिकोप्टरले सोमबार बिहानदेखि नै नियमित उडान भरेको महाप्रवन्धक मुरलीधर जोशीले बताए । सिप्रुङ दुघटनामा परी स्थानीय भविन गुरुङको मृत्यु भएको थियो भने चालक सुरेन्द्र पौडेलसहित ४ जना घाइते भएका थिए । पौडेल खतरामुक्त रहेका छन् भने अन्य ३ जनाको मेडिसिटी अस्पतालमा उपचार भइरहेको एयरलाइन्सले जनाएको छ ।

प्राधिरणले सिम्रिकसँग रहेका ५ वटै हेलिको फ्लाइट अप्रेसन, सेफ्टीलगायतको अडिट गरेको थियो । एयरलाइन्सँग ६ वटा हेलिकोप्टर थिए । अब ५ वटा मात्र संचालनमा छन् ।