थुनामा रहेका इच्छाराज तामाङको हाउजिङका घर लिलामीमा

३ जेठ, काठमाडौं । बैंकिङ कसुरमा कारागार थुनामा रहेका पूर्वएमाले नेता एवं व्यवसायी इच्छाराज तामाङको हाउजिङका घर र घडेरी लिलामीमा राखिएको छ । 

ऋण लिएर नतिरेपछि तत्कालीन सेञ्चुरी कमर्सियल बैंकसँगको कारोबार आधारमा प्रभु बैंकले हाउजिङका तामाङको नाममा रहेको सितापाइला कोट्से भैरव हाउजिङ एण्ड डेभलपर्स प्रालिका घरहरु लिलामीमा राखेका हुन् । तामाङले बैंकलाई करिब १५ करोड तिर्न बाँकी रहेको देखिएको छ ।

उनले हाउजिङका घरहरु विभिन्न व्यक्तिलाई पैसा लिएर बिक्री गरेपनि पास गरी दिएका थिएनन् । तामाङ सिभिल बचत तथा ऋण सहकारी संस्थामा बचतकर्ताको करोडौं बचत रकम डुबाएपछि बैंकिङ तथा ठगी कसुरमा जेलमा छन् । उनीसँगै कम्पनी सञ्चालक केशवलाल श्रेष्ठ, उनकी श्रीमती सिर्जना शाक्य तामाङ पनि जेलमा छिन् । जेलमा छन् । 

लामो समयदेखि भुक्तानी नपाएपछि बैंकले ७ दिने सूचना जारी गरेर हाउजिङका १९ वटा घडेरी र त्यहाँ बनेका ७ वटा घरलाई  लिलाम प्रक्रियामा राखेको हो ।