सरकारको नीति तथा कार्यक्रम प्राण नभएको एमाले नेता भट्टराईको टिप्पणी

५ जेठ, काठमाडौं । अर्थमन्त्री डा. प्रकाशशरण महतले सरकारले ल्याएको कार्यक्रमको कार्यान्वयनमा जोड दिने बताएका छन् । नीति तथा कार्यक्रम प्रस्तुत भएपछि शुक्रबार संसद भवनमा सञ्चारकर्मीसंग कुरा गर्दै मन्त्री महतले इमान्दार भएर सरकारले ल्याएको नीति तथा कार्यक्रम कार्यान्वयन गर्ने र परिणाम आउने बताए ।

त्यस्तै रास्वपाका सभापति रवि लामिछानेले कुनै पनि कार्यक्रम कार्यान्वयन नभए कुनै अर्थ नरहने बताए । उनले सरकारले कार्यक्रममाथि बिरोध वा समर्थन भन्दा पनि कुन ढंगले कार्यान्वयन गर्छ भन्ने मुख्य कुरा भएको बताए ।

त्यस्तै एमाले नेता योगेश भट्टराईले सरकारको नीति तथा कार्यक्रमलाइ प्राण नभएको संज्ञा दिए । नीति तथा कार्यक्रमले वर्तमानका समस्या सम्बोधन गर्ने ठोस आधार समात्न नसकेको र मुलुकको बिभिन्न चूनौति समाधान गर्न नसक्ने बताए । 

त्यस्तै कांग्रेस नेता प्रदीप पौडेलले कार्यान्वयनको अवस्थाका बारेमा प्रष्ट रुपमा नआएपनि नीतिगत र सैद्धान्तीक कुरा राम्रो भएको बताए । संसद र सरकार मिलेर कार्यक्रम कार्यान्वयन गर्नुपर्ने बताए ।