संसदको दुबै सदनमा सरकारको नीति तथा कार्यक्रमाथि छलफल हुँदै

८ जेठ, काठमाडौं । संघीय संसदको दुबै सदनमा सरकारको नीति तथा कार्यक्रम माथीको छलफल आज पनि जारी रहने भएको छ । राष्ट्रिय सभामा आजबाट छलफल सुरु हुन लागेको हो । 

गत शुक्रवार सरकारले प्रस्तुत गरेको आर्थिक बर्ष २०८०/८१ को नीति तथा कार्यक्रम माथी आज पनि प्रतिनिधिसभा बैठकमा छलफल जारी रहने भएको हो । 

हिजो देखी सुरू भएको छलफलमा प्रमुख प्रतिपक्ष दल नेकपा एमालेका नेता केपी शर्मा ओलीलगायतले धारणा राखेका थिए । आज सोही नीति तथा कार्यक्रम माथी छलफल हुने संघीय संसद सचिवालयले जनाएको छ । बैठक बिहान ११ः०० बजेवाट सुरु हुनेछ । 

यस्तै राष्ट्रियसभाको बैठकमा राष्ट्रपतिबाट संघीय संसदको दुवै सदनको संयुक्त बैठकलाई गरेको  सम्बोधनमा उल्लिखत आर्थिक वर्ष २०८० ८१ का लागि नेपाल सरकारको नीति तथा कार्यक्रममामाथि छलफल हुनेछ । बैठक अपरान्ह १ः०० बस्नेछ ।