कित्ताकाटमा प्रति व्यक्ति ३० हजारसम्म ग्राहकबाट असुल्न कार्यालय प्रमुख विष्टको निर्देशन
नेपालबहस संवाददाता
जेठ २६, २०८० शुक्रबार १७:३६:२२
•दीपक शर्मा
२६ जेठ, बर्दिया । व्यवस्था परिवर्तन भएपनि अवस्था नफेरिएको कार्यालयको नाम लिनुपर्दा मालपोत तथा नापी कार्यालय पहिलो नम्बरमा आउँछ होला । कार्यालयले दिने सेवा प्रवाहमा पहुँचबालाहरुको दबदबा बढेपछि नापी कार्यालय गुलरिया बर्दियामा कित्ताकाट गरेवापत सेवाग्राहीले १० हजार देखि ३० हजारसम्म घुस खुवाउनु पर्ने वाध्यता रहेको छ ।
दिनहुँ जसो भीडभाड हुने नापी कार्यालय गुलरियामा सरकारले निर्धारण गरेको मूल्य ५० हजार र चलन चल्तीमा ६० देखि ८० हजार प्रति कठ्ठा पाइने जमिनलाई कित्ताकाट गर्दा नापी कार्यालय बर्दियाले २५ हजार रूपैयाँसम्म घुस खुवाउनु पर्ने बाध्यता रहेको छ । घुस नखुवाएसम्म फाइल अगाडि बढ्दैन, लेखापढी गर्ने व्यक्तिसँग समन्वय गरेर घुस रकम पनि उपलब्ध गराएपछि नापी कार्यालयका प्रमुख किसन सिंह विष्टकाे इसारामा काम तत्कालै हुने गरेको बताइन्छ ।
सबै कागजात तयार पारेर सेवाग्राही आफै गएको अवस्थामा अंशवण्डाको लागि कित्ताकाट गर्दा महिनौं लाग्ने गर्दछ तर च्यानल मार्फत गएको अवस्थामा भने काम तत्कालै हुने गरेको छ । कित्ता काट गर्दा कुनै राजस्व लाग्दैन तर कर्मचारीको गलत नियतका कारण अहिले कित्ताकाटका कर्मचारीले तोकेरै रकम लिने गरेका छन । नापी कार्यालयका प्रमुख किसनसिंह विष्ट भने कार्यालयमा कमै उपस्थिति हुने गरेका छन । विष्ट महिनामा ८ देखि १० दिन मात्रै कार्यालयमा भेटिने गरेको सेवाग्राहीको भनाई रहेको छ ।
महिनाको अन्तिम दिन तथा हरेक शुक्रबार घुसबाट साता वा महिना भरी उठेको रकम उनका सहयोगी अन्य कर्मचारीहरूले संकलन गरी बुझाउने गरेको एक कर्मचारीले नाम नछापिदिने सर्तमा बताए । उनका अनुसार कार्यालयका अधिकृत पवन गुप्ताको योजना मै कित्ताकाट लगायतका अन्य कामबाट कति रकम घुस माग्ने भनेर छलफल गरी कर्मचारीहरू आ आफ्नो कक्षमा जाने गरेका छन ।
सामान्यतया कित्ता काटको लागी सेवा लिन आउने सेवाग्राहीलाई यो मिलेन त्यो मिलेन भन्दै महिनौ झुलाउने गरेका छन । ति मध्ये माथि तस्वीरमा कार्यालयको पिँढीमा आराम गरिरहेकी महिला कार्यालयमा धाएको महिनौ भैसकेको छ तर घुस मागेको रकम दिन नसक्दा उनको काम हुन सकिरहेको छैन ।
कार्यालय पनि कर्मचारीकै योजनामा चलिरहेको छ । नापी अधिकृत कार्यालयमै बस्नु पर्ने हो तर कुनै दिन नापी प्रमुख किसन सिंह विष्ट लामो विदा पछि कार्यालयमा एक दिन हाजिर भएर तालिमको लागी गएकै दिन नापी अधिकृत पवन गुप्ता लगायतका कर्मचारी फिल्ड जाने गर्दछन । फिल्डमा सरकारले तोकेको भन्दा बढी रकम लिन पाइने भएको हुँदा पनि यसरी फिल्डमा अधिकृत समेत जाने गरेका छन ।
तर नापी कार्यालय गुलरियाका प्रमुख किसन सिंह विष्टले नागरिकका समस्या आफनो टेबुलमा नआउने गरेको दावी गरे । उनका अनुसार कुनै कर्मचारीले घुस मागेको भए त्यस विषयमा आफूलाई थाहा नभएको बताए । विष्टले यस्तो दावी गरिरहँदा सेवाग्राहीको भने चित्त दुखेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबालमन्दिर जग्गा हिनामिना आरोपीलाई पक्राउ नगर्न दबाब, अधिकांश भारततर्फ फरार
जेठ ४, २०८१ शुक्रबार
सहकारी ठग्नेलाई कारवाही गर्न ओली किन अनिच्छुक ?
जेठ ३, २०८१ बिहिबार
सिद्धार्थ बैंकको प्रमुख आम्दानी नै घट्यो, वितरण योग्य मुनाफा २७ करोड माइनसमा
जेठ ३, २०८१ बिहिबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
क्रिकेटर सन्दीप लामिछानेको मुद्दा हेर्दाहेर्दैमा
नेपालबहस संवाददाता
जेठ १, २०८१ मंगलबार
अवनतिको बाटो फेर्न लागेको राजनीति र सुरक्षा चासो
जेठ ४, २०८१ शुक्रबार
सुनको मूल्यमा गिरावट, तोलाको कति ?
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
जेठ ४, २०८१ शुक्रबार
प्रधानमन्त्री र मन्त्रीहरूको सम्पत्ति विवरण सार्वजनिक हुने
जेठ ४, २०८१ शुक्रबार
मालिक रिसाउनुमा यी ग्रहको भूमिका, जान्नुहोस् हाकिमको स्वभाव
जेठ ४, २०८१ शुक्रबार
कोशीका मुख्यमन्त्री कार्कीले विस्तार गरे मन्त्रिपरिषद, सबैले लिए शपथ
जेठ ४, २०८१ शुक्रबार
आजदेखि संसद भवन वरिपरीका पेटीबाट हिँड्न नपाइने
जेठ ४, २०८१ शुक्रबार
भलिबल खेलाडीलाई सेनाको सहयोग
जेठ ४, २०८१ शुक्रबार
उच्च रक्तचाप नियन्त्रणमा राख्नसके दीर्घकालीन असरबाट बच्न सकिन्छ
जेठ ४, २०८१ शुक्रबार