पेट्रोल पम्पमा रिमोट जडान गरेर ठगी आरोपीलाई खानेपानी मन्त्रालयको जिम्मा !
नेपालबहस संवाददाता
जेठ २७, २०८० शनिबार १४:५०:२७
२७ जेठ, काठमाडौं । सरकारले पाँच जना सचिव सरुवा गर्दै विवादित सचिव रामआधार साहलाई खानेपानी मन्त्रालयको जिम्मा दिएको छ । शुक्रबार सार्वजनिक गरिएको निर्णयअनुसार प्रधानमन्त्री कार्यालय, श्रम रोजगार तथा सामाजिक सुरक्षा, राष्ट्रिय योजना आयोग, उद्योग तथा खानेपानी मन्त्रालयका सचिवहरूको सरुवा भएको हो । योजना आयोगका सचिव केवल भण्डारीलाई श्रम मन्त्रालयमा सरुवा गरिएको छ ।
श्रमका एकनारायण अर्याललाई प्रधानमन्त्री कार्यालय पठाइएको छ । भण्डारीले सचिव भएपछि पहिलो पटक मन्त्रालयको जिम्मेवारी पाएका हुन् । उनी नौ महिनापछि सेवा निवृत्त हुँदैछन् । अर्याललाई श्रम मन्त्रालयमा राम्रो काम गर्ने सचिवका रुपमा हेरिएको थियो । उद्योग वाणिज्य तथा आपूर्ति मन्त्रालय अन्तर्गत (उद्योग) का सचिव तोयनारायण ज्ञवालीलाई योजना आयोग पठाइएको छ ।
खानेपानी मन्त्रालयका सचिव मणिराम गेलाललाई प्रधानमन्त्री कार्यालयमा सरुवा गरिएको छ भने प्रधानमन्त्री कार्यालयका सचिव रामआधार साहलाई खानेपानी मन्त्रालयमा सरुवा गरिएको छ । साह सचिवमा बढुवा भएपछि ६ महिनादेखि प्रधानमन्त्री कार्यालयमा थिए । विज्ञान तथा प्रविधि मन्त्रालयको सहसचिव रहँदा नै उनी विवादमा मात्रै परेनन्, पक्राउ नै परेका थिए । भारतीय नाकाबन्दी रहेका बेला पेट्रोल पम्पमा रिमोट चलाएर ठगी गर्नेहरूकाे सूचीमा उनलाई पक्राउ गरेको थियो ।
साह गुणस्तर तथा नापतौल विभागको प्रमुख हुँदा पम्पहरूसम्म डिजिटल प्रविधि सुरु भएको थियो । तर, उनकै मिलेमतोमा पम्पहरुमा रिमोट जडान गरिएको पाएपछि प्रहरीले पक्राउ गरेको थियो । उनी विरुद्ध कालोबजारी तथा ठगीको मुद्दा लगाइएको थियो । तर, जिल्ला अदालतबाट सफाइ पाएपछि उनी पुनः जागिरमा फर्किएर बढुवा समेत भएको थियो । सहसचिव साहमाथि आर्थिकसँगै नैतिक आचरणलाई लिएर समेत प्रश्न उठेको कर्मचारीहरू बताउँछन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमन्त्रिपरिषद बैठकले गर्यो ६० जना सहसचिवको सरुवा
जेठ १, २०८१ मंगलबार
गृह मन्त्रालयले भन्यो, ‘अब जोकोहीलाई विरामीको बहानामा हिरासतबाट अस्पताल नपठाउनु’
बैशाख २४, २०८१ सोमबार
महावाणिज्य दूत बनाउने गरी ढुंगानाको परराष्ट्रमा सरुवा, राजश्वमा पुगे बुढा
बैशाख २३, २०८१ आइतबार
गिरीबन्धु टि स्टेटको जग्गा किनबेचमा पुनरावलोकन गर्न नपाइने, नैतिक संकटमा ओली
जेठ २, २०८१ बुधबार
भान्सामा राखिएका यी चिजले घरमा गरिबी ल्याउछ आजै हटाउनुहोस्
जेठ २, २०८१ बुधबार
प्रतिकूल मौसमले सगरमाथा आरोहण प्रभावित
जेठ २, २०८१ बुधबार
सन्दीपको निलम्बन फुकुवा, टी–२० विश्वकप खेल्न पाउने
जेठ २, २०८१ बुधबार
जसपा विभाजनमा निर्वाचन आयोगको निर्णय यथास्थितिमा राख्न सर्वाेच्चको आदेश
जेठ २, २०८१ बुधबार
सन्दीपको प्रतिक्रिया: म निर्दोष छु भन्दा पनि फसाइयो
जेठ २, २०८१ बुधबार
सन्दीपको प्रतिक्रिया- म निर्दोष छु भन्दा पनि फसाइयो
जेठ २, २०८१ बुधबार
यस्तो छ, बिहीबार बस्ने प्रतिनिधिसभाको बैठकको सम्भावित कार्यसूची
जेठ २, २०८१ बुधबार