गेटालाई विश्वविद्यालय नै बनाउने हो, ऐन बनाउने काम सुरु भइसक्या छ : अर्थमन्त्री डा. महत

२९ जेठ, काठमाडौं । कैलालीको धनगढीमा रहेको गेटा मेडिकल कलेजलाई गेटा विश्लविद्यालय बनाउने भएको छ । प्रतिनिधिसभाको बैठकमा सांसदहरुले गेटालाई प्रतिष्ठान बनाउने हो कि विश्वपविद्यालय ? भनेर उठाएका प्रश्नको जवाफ दिँदै अर्थमन्त्री डा. प्रकाशशरण महतले हाल कायम रहेका गेटा मेडिकल कलेजलाई विश्वविद्यालय नै बनाउने गरी सरकारले बजेट छुट्याइएको स्पष्ट पारेका छन् ।

यस्तै, अर्थमन्त्री डा. महतले गेटाबारे बाहिर विभिन्न शंका उपशंका र हल्ला चलिरहेको भन्दै हल्लाको पछि नलाग्न आग्रह गरे । ‘गेटा मेडिकल कलेजलाई दशरथ चन्द विश्वविद्यालय नै बनाउने हो । यसनिम्ति पर्याप्त बजेट विनियोजन गरिएको प्रष्ट पारे । विश्वविद्यालय बनाउन ऐन बनाउने काम भइरहेको उनले बताए । उनले विश्वविद्यालय नबनाउने हु्न् कि भनेर आन्दोलन चलाइरहेको भन्दै मन्त्री महतले विद्यालय बनाउने कुरामा अहिलेबाटै स्पष्ट हुन आग्रह गरे ।

गेटालाई सरकारले आगामी आवको वार्षिक नीति तथा कार्यक्रममा गेटालाई विश्वविद्यालय बनाउने घोषणा गरिएपनि बजेटमा स्पष्ट उल्लेख नगरिएको भन्दै सोमबारदेखि सरोकारवालाहरुले  आमहड्ताल गरेका छन् ।
यस्तै,  गेटामा सहिद दशरथ चन्द स्वास्थ्य विज्ञान विश्वविद्यालय सञ्चालनको माग गर्दै संघर्षरत जिल्लावासीले सुदूरपश्चिम प्रदेशसभा घेराउ गरेका छन् ।