प्रचण्ड-बाबुरामविरुद्धको रिटमा सुनुवाइ जारी, आदेश अझे आउने

३० जेठ, काठमाडौं । तत्कालीन नेकपा (माओवादी)ले चलाएकाे सशस्त्र संघर्षको समयमा बालबालिकालाई सैनिकको रुपमा युद्धसम्बन्धी जोखिमयुक्त सामान बोक्ने र ढुवानीका काममा लगाएर बालअधिकारको हनन गरेको भन्दै  ‘यसद्धअपराध’ कसुरमा कारवाहीका लागि प्रधानमन्त्री प्रचण्ड र नेपाल समाजवादी पार्टी (नेसपा)का अध्यक्ष एर्व पूर्वप्रधानमन्त्री डा. बाबुराम भट्टराईविरुद्ध सर्वोच्च आदलतमा दायर रिटमाथि सुनुवाइ सुरु भएको छ । रिटमाथि न्यायाधीश सपना प्रधान मल्लको  एकल इजलासमा सुनुवाइ जारी छ । रिट पक्षका कानून व्यवसायीहरूले बहस गरिरहेका छन् ।

पूर्वबाल लडाकु काभ्रेका लेनिन विष्टसमेतले जेठ २८ गते रिट दर्ता गराएका थिए । सशस्त्र संघर्षका बेला प्रचण्ड सर्वोच्च कमाण्ड र बाबुराम जनसरकारका प्रमुख थिए । १० वर्षसम्म चलेको हतियारबन्द संघर्ष २०६३ मंसिर ५ मा तत्कालीन कांग्रेस नेतृत्वको सरकारसँग शान्ति सम्झौत भएपछि दुवै नेता संसदीय व्यवस्थामा सामेल छन् ।

प्रचण्ड अहिले प्रधानमन्त्री छन् । उनी यसअघि २ पटक प्रधानमन्त्री भइसकेका छन् । भट्टराई पनि एक पटक प्रधानमन्त्री (२०६७) भइसकेका छन् । युद्धमा आफूहरुलाई हिँडाएर पढ्न लेख्ने अवसरमा विमुख गराई अधिकारबाट वञ्चित गराइएको भन्दै न्याय र क्षतिपूर्तिका मागसहित रिट दायर गराएका हुन् ।