पोखरा महानगरले भत्कायाे फेवातालको सिमसार क्षेत्रमा बनाइएको प्लटिङ

३० जेठ, पोखरा । पोखरा महानगरपालिकाले फेवा तालको सिमसार क्षेत्र पुरेर बनाइएको घडेरी प्लटिङलाई मंगल डोजर चलाएर हटाएको छ । 

महानगरको अनुमति बिना सिमसार क्षेत्रमा प्लटिङ गरिएको पाइएपछि नगर प्रहरीको टोलीले डोजर लगाएर प्लटिङ भत्काएको हो । 

झण्डै ८० रोपनीमा गरिएका प्लटिङ भत्काइदिएको महानगरका नगर प्रहरी प्रमुख पुरुषोत्तम थापाले जानकारी दिए । सिमसार क्षेत्रमा बाहिरबाट माटो ढुंगा ल्याएर सतह उठाइ बसोबास र व्यापारिक उद्देश्यले भूमाफियाले प्लाटिङ थालेपछि पोखरामा अभियन्ताहरुले फेवाताल बचाउ अभियानसाथ प्रदर्शन गरेका थिए ।