मेयर बालेनकी शिक्षा सल्लाहकार रिसु अर्यालले दिइन् राजीनामा

६ असार, काठमाडौं । काठमाडौं महानगरपालिकाकाकी शिक्षा सल्लाहकार रिसु अर्यालले पदबाट राजीनामा दिएकी छन् । मेयर प्रमुख बालेन्द्र शाह ‘बालेन) काे गतिविधिप्रति असन्तुष्टि जनाउँदै शिक्षा सल्लाहकार रेशु अर्याल ढुंगानाले पदबाट राजीनामा दिएकी हुन् । 

महानगरले ठोस परिस्थिति र तथ्यभन्दा भीडको धारणाका आधारमा निर्णय लिएको भन्दै राजीनामा दिएकाे अर्यालले सामाजिक संजालमार्फत बताइएकी छन् । मेयर शाहमा लोकतान्त्रिक अभ्यास र प्रणालीको परिपालना अन्त्यन्तै कमजोर रहेकाे आरोप समेत उनले लगाएकी छन् । 

उनले हिसानले हालै भुकृटीमण्डपमा आयोजना गरेको शैक्षिक मेलालाई आयोजकले महानगरको निर्देशन उल्लंघन गरेको जनाउँदै गरेको बन्दप्रति उनले असहमति जनाएकी छन् । छोटो समयमा सामाजिक संजालहरुमा स्टाटस लेखेर व्यवसायीहरूलाई अत्यासमा पार्ने गरिएको समेत आरोप लगाएकी छन् ।

‘दुर्भाग्यपूर्णरुपमा, केही ताजा कदम, निर्णय प्रक्रिया तथा उहाँको सिधा निर्देशनमा लिइएका निर्णयहरू मेरा मान्यताभन्दा विपरित थिए र यी कुराहरू मेरो घर-परिवारसँग पनि सिधा जोडिएका थिए, जसले गर्दा स्वार्थको द्वन्द्व उत्पन्न हुने परिस्थिति आयो’ अर्यालले लेखेकी छन् । अर्याल गत भदाै २३ मा सल्लाहकारमा नियुक्ति भएकी थिइन् ।

महानगरले बन्द गरेपछि हिसानले उच्च अदालत पाटनमा क्षतिपूर्तिसहित महानगर विरुद्ध मुद्दा हालेको छ । बालेनले हिन्दी चलचित्र ‘आदि पुरुष’मा जानकीलाई भारतकी छोरी उल्लेख भएका वाक्य हटाउनुपर्ने माग गर्दै महानगरभित्रका हलमा उक्त चलचित्र चलाउन अनुमति दिएका छैनन् ।

यस्तै, नियमअनुसार महानगरभित्र संचालित निजी विद्यालयहरूलाई पनि १० प्रतिशत छात्रवृत्ति दिलाउने कामलाई पनि तीव्रतामा अगाडि बढाएका छन् ।