बालेनको निर्देशनमा ललितानिवासको जग्गामा तारबार लगाइँदै
नेपालबहस संवाददाता
असार १७, २०८० आइतबार १५:२०:०
१७ असार, काठमाडौं । काठमाडौं महानगरपालिका पालिकाले मालपोत कर्मचारी, नेता र बिचौलियाले हिनामिना गरेको प्रधानमन्त्रीको सरकारी निवास बालुवाटारको ललितानिवास जग्गामा तारबार लगाउने भएको छ । तारबार लगाउन महानगरका प्रमुख बालेन्द्र साह ‘बालेन’को निर्देशनमा आइतबार महानगर प्रहरीका प्रहरी निरीक्षक ईश्वर वाग्लेको नेतृत्वमा टोली दिउँसो ललितानिवासमा पुगेका छन् ।
जग्गा एकिन गरेपछि तारबार गर्ने योजना रहेको प्रहरीले जनाएको छ । ललिता निवासको करिब १४३ रोपनी सरकारी जग्गा व्यक्तिको नाममा गरेको अभियोगमा दर्जनौं व्यक्तिविरुद्ध विशेष अदालतमा भ्रष्टाचार मुद्दा चलिरहेको छ । सीआईबीले पक्राउ गरेका व्यापारी मिनबहादुर गुरुङ, भक्तपुर मालपोतका पूर्वप्रमुख सुधिर शाह, डिल्लीबजार मालपोतका प्रमुख धर्मप्रसाद गौतमसहित ३ जना प्रहरी हिरासतमा छन् । जग्गा हिनामिनामा १७५ मुद्दा विचराधीन छ । झुुटा विवरण, कीर्ते लिखत र नक्कली मोही र गुठी खडा गरेर हिनामिना गरेको आरोपमा अुनसन्धान भइरहेको छ ।
महानगर प्रहरीले ललिता निवास क्षेत्रको सार्वजनिक जग्गामा बनेको अस्थायी टहरा हटाउन निर्देशन दिएको छ । ललिता निवासले चर्चेको सार्वजनिक जग्गामा झण्डै दुई दर्जन साना ठूला टहरा बनेका छन् । बनेका सबै अस्थायी संरचना हटाएर तारबार गर्ने वाग्लेले बताए ।
सार्वजनिक जग्गामा बनेको अस्थायी संरचना जति खाली गरेर अहिले कम्पाउण्डिङ गर्ने र ठूला तथा पक्की संरचनामा अर्को निर्णय गरेर कारबाही गर्ने बालेनले निर्देशन दिएको टोलीले बताएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप'कान्स फिल्म फेस्टिभल'मा सहभागी हुन बालेन फ्रान्स प्रस्थान
जेठ १, २०८१ मंगलबार
नारायणी नदी व्यवस्थापनका लागि नवलपुर क्षेत्रमा तटबन्ध
बैशाख ३१, २०८१ सोमबार
राज्यकोषबाट सुविधा लिनेले छोराछोरी सामुदायिक विद्यालयमा पढाउनुपर्ने
बैशाख २९, २०८१ शनिबार
सिद्धार्थ बैंकको प्रमुख आम्दानी नै घट्यो, वितरण योग्य मुनाफा २७ करोड माइनसमा
जेठ ३, २०८१ बिहिबार
केपी ओलीले मदन भण्डारीका ‘हत्यारा’ लुकाएकै हुन् ?
जेठ ३, २०८१ बिहिबार
तपाईको आजको राशीफल कस्तो छ ?
जेठ ३, २०८१ बिहिबार
भङ्गहा–जनकपुर–जयनगर रेल्वे सेवा तीन दिन बन्द हुने
जेठ ३, २०८१ बिहिबार
‘विप्रेषण विकासको दीर्घकालीन माध्यम होइन’
जेठ ३, २०८१ बिहिबार
सगरमाथा आधार शिविरतर्फ पठाइयो ‘विश्व शान्ति दीप’
जेठ ३, २०८१ बिहिबार
अब संसदीय छानबिन समिति नबनेसम्म सदन अघि बढ्दैन : कांग्रेस
जेठ ३, २०८१ बिहिबार
बलात्कारको जाहेरी परेपछि एमाले नेता विदुर शर्मा फरार
जेठ ३, २०८१ बिहिबार
सुनसरीमा प्रहरीले लागूऔषध कारोबारीलाई गोली हानेर नियन्त्रणमा लियो
जेठ ३, २०८१ बिहिबार