लघुवित्त वित्तीय संस्थासम्बन्धी गुनासो सुनुवाइ गर्न राष्ट्र बैंकमा डेस्क स्थापना

१८ असार, काठमाडौं ।  नेपाल राष्ट्र बैंकले लघुवित्त वित्तीय सेवासम्बन्धी सेवाग्रहीकाे गुनासो सुनुवाइ गर्न लघुवित्त संस्था सुपरिवेक्षण विभागमा डेस्कको स्थापना गरेको छ । डेस्कमा सेवाग्रहीले गुनासाे दर्ता गर्न सकिने जनाइएकाे छ ।

राष्ट्र बैंकबाट ‘घ’ वर्गकाे इजाजत प्राप्त लघुवित्त वित्तीय संस्थासँग बचत तथा कर्जा कारोबार गरिरहेका सरोकारवाला सदस्यको लघुवित्त वित्तीय सेवासम्बन्धी गुनासो सुनुवाइका लागि डेस्कको स्थापना गरिएको राष्ट्र बैंकले जारी गरेकाे सूचनामा जनाइएको छ ।

 गुनासो सुनुवाइका लागि निःशुल्क ‘टोल फ्रि’मार्फत फोन गर्न सकिने छ । यसका साथै बैंकको अनलाइन गुनासो पोर्टल वा इमेलमार्फत पनि आफ्नो गुनासो टिपाउन सकिने व्यवस्था रहेको छ ।