कोशी प्रदेशका मुख्यमन्त्री नियुत्तिविरूद्धको रिटमा सर्वोच्चको पूर्ण इजलासबाट आज फैसला

११ साउन, काठमाडौं । कोशी प्रदेशका मुख्यमन्त्री नियुक्ति विरुद्ध सर्वोच्च अदालतमा परेको रिटको फैसला आज  आउने बताइएको छ । 

सर्वोच्चको पूर्ण इजलासमा बुधबार बहस सकिएको छ । न्यायाधीशहरू ईश्वरप्रसाद  खतिवडा, आनन्दमोहन भट्टराई र तिलप्रसाद श्रेष्ठको पूर्ण इजलासमा  सुनुवाई भइरहेको मुद्दामा आज आदेश आउने बताइएको छ ।  

रिटमाथि पक्ष र विपक्ष दुवै तर्फका वकिलहरूको बहस हिँजै सक्किएको छ ।  बुधबार बहस सकिएपछि आजका लागि पेशी तोकिएको छ ।  आज बस्ने इजलासले आदेशबारे पनि निर्णय गर्नेछ ।

प्रदेश प्रमुख परशुराम खापुङले कोशी प्रदेशको मुख्यमन्त्रीमा नेपाली कांग्रेसका उद्धव थापालाई असंवैधानिक रूपमा नियुक्त गरेको भन्दै नेकपा एमाले संसदीय दलका नेता एवं निवर्तमान मुख्यमन्त्री हिक्मतकुमार कार्कीले रिट दायर गरेका थिए ।