अख्तियारद्वारा चाबहिलका नापीका अधिकृत राजु पुरी विरुद्ध १ करोड भ्रष्टाचारको मुद्दा दायर

१४ साउन, काठमाडौं । अख्तियार दुरुपयोग अनुसन्धान आयोगले नापी कार्यालय चाबहिलमा कार्यरत नापी अधिकृत राजु पुरी विरुद्ध १ करोडमाथि भ्रष्टाचार गरेको आरोपमा विशेष अदालतमा मुद्दा दायर गरेको छ । पुरीले १ करोड ४ लाख ३ हजार ४४१ रूपैयाँ ५२ पैसाको स्रोत नखुलेको अख्तियारको दावी छ । 

२०५२ पुस ९ गते सरकारी सेवामा प्रवेश गरेका पुरीको २०७९ असारसम्म विभिन्न शीर्षकमा गरी २ करोड २४ लाख ८१ हजार ६९० रूपैयाँ ५२ पैसाको हिसाब देखिएको तर उनको वैध आय १ करोड २० लाख ७७ हजार ७४८ रूपैयाँ ६९ पैसा मात्र रहेको अख्तियारको भनाइ छ ।  यसमा  १ करोड ४ लाख ३ हजार ९४१ रूपैयाँ ८३ पैसा गैरकानुनी आर्जन गरेको भन्दै अख्तियारले मुद्दा हालेको हो ।