दुर्गा प्रसाईंलाई ज्यान मार्ने धम्की दिने गुरुङविरुद्ध अपहरण र कीर्ते कसुरमा मुद्दा

२१ साउन, काठमाडौं । अभियन्ता एवं मेडिकल व्यवसायी दुर्गा प्रसाईँलाई ज्यान मार्ने दिएको आरोपमा पक्राउ परेका रमेश गुरुङविरुद्ध काठमाडौं जिल्ला अदालतमा मुद्दा दर्ता भएको छ ।

प्रसाईंलाई ३० करोड रुपैयाँ माग्दै नदिए ज्यान लिने धम्की दिएको आरोपमा पक्राउ परेका खोटाङ रावाबेसी गाउँपालिका–१ का ४२ वर्षीय गुरुङविरुद्ध सीआईबीले अनुसन्धान सकेर मुद्दा दर्ता गरेको हो । 

गुरुङलाई प्रसाइँले गएको असार २६ गते पैसा लिन बोलाएर पक्राउ गराएका थिए । गुरुङविरुद्ध अपहरण र सरकारी लिखत कीर्ते सम्बन्धी कसुरमा मुद्दा दायर गरिएको छ  ।

उनले लिखत कीर्ते गरेर नागरिकता लिएकाे अनुसन्धानमा खुलेको सीआईबीकाे दाबी छ । उनले गलत धन्दा चलाउन नागरिकता कीर्ते गरी मोवाइल सीम निकालेको पाइएको छ ।