विराटनगरका उद्योगी सिरहाको एक होटलमा मृृत फेला

२४ साउन, काठमाडौं । विराटनगरका उद्योगी सिद्धान्त भटट्राई सिरहामा मृत फेला परेका छन् । पाथीभरा कापी उद्योगका सञ्चालक २९ वर्षीय सिद्धान्त भट्टराईको शव अर्धनग्न अवस्थामा सिरहाको मिर्चैया नगरपालिका ५ कटारी चोकस्थित एक होटलमा मंगलबार राति मृत फेला परेका हुन् । 

विराटनगर महानगरपालिका १० का बासिन्दा रहेको भट्टराईको शव चोकस्थित शम्भु होटलको पछाडिको भागमा अर्धनग्न अवस्थामा फेला परेको प्रहरीले जनाएको छ । 

पिकअप जिपमा आएर होटलमा बसेका उनीको घाँटीमा सिक्री र पाइन्टको खल्तीमा मोबाइल भेटिएको छ । कम्मरदेखि माथि शरीरमा कपडा छैन । घटनाबारे अवाश्यक अनुसन्धान भइरहेको प्रहरीले जनाएको छ । घटनास्थलमा मृतकका परिवारका सदस्य र आफन्त पुगेका छन् ।