ललितानिवास प्रकरणका आरोपीहरुलाई थप ७ दिन हिरासतमा राखिने

२४ साउन, काठमाडौं । सरकारी जग्गा ललितानिवास जग्गा प्रकरणमा पक्राउ परेका २० जना आरोपीलाई थप ७ दिन हिरासतमा राखेर अनुसन्धान गर्न जिल्ला अदालत काठमाडौंले अनुमति दिएको छ । 

यसअघि थप भएको म्यादमा पनि अनुसन्धान नसकिएको भन्दै सीआईबीले थप म्यादका लागि सीआईबीले आरोपीहरुलाई जिल्ला अदालत काठमाडौं पेस गरेको थियो । पेसपछि अदालतले ७ दिन म्याद थप गरेको हो ।

बालुवाटारको ललितानिवासको १४३ रोपनी सरकारी जग्गा व्यक्तिको नाममा नामसारी गरेको प्रकरणमा सीआईबीले सरकारी कागजात कीर्ते र संगठित अपराधमा अनुसन्धान गरिरहेको छ ।

हाल हिरासतमा भाटभटेनी सुपरमार्केटका सञ्चालक मीनबहादुर गुरुङ, पूर्वनिर्वाचन आयुक्त सुधीरकुमार शाहसहितका २० जना सीआईबीको हिरासतमा छन् । उनीहरूलाई पक्राउ परेको मितिले ६० दिनसम्म हिरासतमा राख्न पाउने व्यवस्था छ ।