चार लाखको लत्ताकपडा तथा हार्डवेयर पार्टस बरामद

३० साउन, पर्सा । पर्सा प्रहरीले करिब चार लाख बराबरको सामान बरामद गरेको छ । भन्सार छली गरि भारतबाट नेपाल ल्याउदै गरेको अवस्थामा प्रहरीले ठूलो परिमाणको सामान बरामद गरेको हो । 

विशेष सुचनाका आधारमा चेकजाँच गर्ने क्रममा वीरगञ्ज महानगरपालिका वडा नं।१६  रजतजयन्तीचोक स्थित सडकखण्डमा भारतबाट भन्सार छली चोरी पैठारी गरी वीरगन्जतर्फ भित्राउदै गरेको अवस्थामा  विभिन्न किसिमका लत्ताकपडा तथा हार्डवेयर पार्टस बरामद गरेको जनाएको छ । 

गस्ती गर्दै जाने क्रममा खटिएको प्रहरी टोलीलाई देख्नासाथ फरार तिन लाख अन्ठान्वे हजार नौ सय साठ्ठीके उक्त सामानहरू वेवारिसे अवस्थामा बरामद प्रहरीले थप कारवाहीको लागि वीरगञ्ज भन्सार कार्यालयमा बुझाइएको जनाएकाे छ ।