शनिबार काठमाडौंका ५२ स्थानमा करिब ५ घण्टाका लागि विद्युत अवरुद्ध हुने

१ भदौ, काठमाडौं ।  भोलि 'शनिबार' काठमाडौंका विभिन्न ५२ स्थानमा करिब ५ घण्टा विद्युत अवरुद्ध हुने भएको छ । नेपाल विद्युत प्राधिकरणले आज एक सूचना जारी गर्दै विद्युत अवरुद्ध हुने जानकारी गराएको हो ।

लप्सीफेदी तथा चाँगुनारायण सब स्टेसन निर्माण आयोजनाले टेकु सब स्टेसन स्तरोन्नति गरी टेकु–स्युचाटार ६६ केभी लाइन १३२ केभीमा चार्ज गर्ने गरी कार्य भइरहेकोले काठमाडौंका विभिन्न क्षेत्रको विद्युत सेवा अवरुद्ध हुन लागेको हो । 

नेपाल विद्युत प्राधिकरणका अनुसार बिहान १० बजेदेखि दिउँसो ३ बजेसम्म विद्युत सेवा अवरुद्ध हुने छ । निर्धारित समयअघि काम सम्पन्न सकिए विद्युत सेवा अगावै सञ्चालनमा आउने छ पनि प्राधिकरणले जानकारी गराएको छ ।

विद्युत सेवा अवरुद्ध हुने क्षेत्रहरूमा सीतापाइला फिडर अन्तर्गत बाफल, बुडाथोकी कोल्डस्टोर, सिविल होम्स, अलकत्रा, सरनपुर, थापाचोक, ह्वाइट गुम्बा, सिंगल ट्री, इचंगुनारायण मन्दिर रहेको छ । 

यस्तै, बाफल फिडर अन्तर्गत बाफल, ज्ञानोदय, गाई बाच्छा पाटी, स्वयम्भू सानो भर्‍याङ, बारुदखानालगायत ५४ स्थानहरू रहेका छन् ।